عید الفطر 2026 کے موقع پر پاکستانی سینما گھروں میں دو بڑی ریلیزز نے شائقین کو محظوظ کیا۔ آگ لگے بستی میں اور بلّھا نے ویک اینڈ کے دوران شاندار باکس آفس پر خوب کمائی کی اور پاکستانی فلم انڈسٹری کے لیے امید کی کرن بن کر سامنے آئیں۔
’آگ لگے بستی میں‘ ایکشن کامیڈی فلم ہے جس میں فہد مصطفیٰ اور ماہرہ خان نے مرکزی کردار ادا کیے جبکہ تابش ہاشمی نے اس میں ڈیبیو کیا۔ فلم نے عید کے ویک اینڈ میں کل 27.2 کروڑ روپے کمائے جس میں سے 16.2 کروڑ روپے پاکستان میں اور 11 کروڑ روپے بیرون ملک کی کمائی ہے۔
View this post on Instagram
دوسری جانب بلّھا نے شعیب شاہد کی سینما میں واپسی کا جشن منایا۔ یہ ہائی آکٹین ایکشن-ڈرامہ فلم پنجابی زبان میں پیش کی گئی اور محدود اسکرین کے باوجود شائقین کی بڑی تعداد کو سینما گھروں تک لے آئی۔ فلم نے ویک اینڈ کے دوران 10.75 کروڑ روپے کمائے جو اس کے لیے ایک شاندار آغاز سمجھا جا رہا ہے۔
View this post on Instagram
فلمی حلقوں کا ماننا ہے کہ یہ دونوں فلمیں نہ صرف عید کے موقع پر ناظرین کو تفریح فراہم کر رہی ہیں بلکہ پاکستان میں فلم انڈسٹری کی بحالی میں بھی مددگار ثابت ہو رہی ہیں۔
