وفاقی دارالحکومت اسلام آباد کے مختلف علاقوں میں تیز ہواؤں اور گرج چمک کے ساتھ بارش کا سلسلہ جاری ہے۔
بارش، ٹھنڈی ہوا اور سکون بهرا اسلام آباد pic.twitter.com/C7ragZSWbI
— WE News (@WENewsPk) March 30, 2026
ترجمان ضلعی انتظامیہ کے مطابق حالیہ بارشوں کے دوران ضلعی انتظامیہ کی جانب سے کیے گئے پری مون سون اقدامات کے مثبت نتائج سامنے آ رہے ہیں۔
ترجمان نے بتایا کہ نالوں اور نشیبی علاقوں کی بروقت صفائی کے باعث پانی کی نکاسی میں نمایاں بہتری دیکھنے میں آئی ہے، جس سے شہریوں کو مشکلات کا سامنا کم کرنا پڑ رہا ہے۔
ترجمان کے مطابق ڈپٹی کمشنر اسلام آباد کی ہدایات پر تمام اسسٹنٹ کمشنرز فیلڈ میں موجود ہیں اور صورتحال کی مسلسل نگرانی کر رہے ہیں۔
شہریوں سے التماس ہے کہ خراب موسم کے دوران غیر ضروری سفر سے گریز کریں، شہر کے مختلف علاقوں میں موسلا دھار بارش کے دوران ضلعی انتظامیہ کے افسران اور سینیٹشن سٹاف فیلڈ میں موجود ہیں اور ٹریفک پولیس کے ساتھ مل کر ٹریفک کی روانی یقینی بنائی جا رہی ہے۔۔۔ pic.twitter.com/ZTIubF9v5O
— DC Islamabad (@dcislamabad) March 30, 2026
ترجمان کا کہنا ہے کہ سینیٹیشن اسٹاف نکاسی آب کو یقینی بنانے کے لیے واٹر پمپس سمیت دیگر مشینری استعمال کر رہا ہے، جبکہ اسسٹنٹ کمشنرز نشیبی علاقوں اور نالوں کی مسلسل مانیٹرنگ کر رہے ہیں۔
ضلعی انتظامیہ کے مطابق ٹریفک پولیس کے ساتھ مل کر شہر میں ٹریفک کی روانی کو بھی برقرار رکھا جا رہا ہے تاکہ شہریوں کو کسی قسم کی پریشانی کا سامنا نہ ہو۔
