بنگلہ دیش کے نمائندہ کے مطابق ملک میں اس وقت تقریباً ایک لاکھ 92 ہزار 919 ٹن ایندھن کا ذخیرہ موجود ہے۔
یہ بھی پڑھیں: پاکستان اور بنگلہ دیش کے درمیان دفاعی تعاون بڑھانے پر تبادلہ خیال
توانائی و معدنی وسائل ڈویژن کے حکام نے منگل کو ڈھاکہ میں پریس بریفنگ کے دوران بتایا کہ مجموعی ذخیرے میں ایک لاکھ 28 ہزار 939 ٹن ڈیزل، 7 ہزار 940 ٹن آکٹین، 11 ہزار 431 ٹن پیٹرول اور 44 ہزار 609 ٹن جیٹ فیول شامل ہے۔
دوران ترجمان اور جوائنٹ سیکریٹری (آپریشنز) منیر حسین چوہدری نے ملک بھر میں ایندھن کے مؤثر انتظام کو یقینی بنانے کے لیے جاری کارروائیوں پر بھی روشنی ڈالی۔
ذخیرہ اندوزوں کے خلاف آپریشن
3 مارچ سے 30 مارچ کے دوران حکام نے ایندھن کے ذخیرہ اور ترسیل میں بے ضابطگیوں کے خلاف 3 ہزار 559 آپریشنز کیے۔
ان کارروائیوں کے نتیجے میں ایک ہزار 244 مقدمات درج کیے گئے، تقریباً 84 لاکھ 50 ہزار ٹکا جرمانہ عائد کیا گیا اور 19 افراد کو سزائے قید بھی سنائی گئی۔
اسی عرصے کے دوران قانون نافذ کرنے والے اداروں نے تقریباً 2 لاکھ 96 ہزار 305 لیٹر غیر قانونی طور پر ذخیرہ کیا گیا ایندھن بھی برآمد کیا جس میں 2 لاکھ 7 ہزار 365 لیٹر ڈیزل، 28 ہزار 938 لیٹر آکٹین اور 60 ہزار 2 لیٹر پیٹرول شامل ہے۔
حکام نے اس عزم کا اعادہ کیا کہ موجودہ معاشی اور علاقائی چیلنجز کے باوجود ایندھن کی فراہمی کو مستحکم رکھا جائے گا اور مارکیٹ میں ہیرا پھیری کو ہر صورت روکا جائے گا۔
