ہائیکورٹ آزاد کشمیر نے13ویں آئینی ترمیم اور صدارتی انتخاب کے حوالے سے دائر درخواستوں کو باقاعدہ سماعت کے لیے منظور کرتے ہوئے شیڈول جاری کرنے کا حکم جاری کر دیا۔
یہ بھی پڑھیں: آزاد کشمیر: عوامی ایکشن کمیٹی پھر میدان میں آگئی، حکومت کو نئی ڈیڈلائن دیدی
آزاد جموں و کشمیر ہائیکورٹ کے سینیئر جج جسٹس سید شاہد بہار، جسٹس سردار محمد اعجاز خان اور جسٹس چوہدری خالد رشید پر مشتمل لاجر بینچ نے صدارتی انتخابات کے خلاف دائر درخواست میں حکم امتناعی کی استدعا مسترد کر دی۔
عدالت عالیہ نے قرار دیا کہ بادی النظر میں ایسے شواہد پیش نہیں کیے گئے جن کی بنیاد پر صدارتی انتخابی عمل کو روکا جا سکے لہٰذا حکم امتناعی جاری نہیں کیا جا سکتا۔
تاہم عدالت نے صدارتی انتخاب میں تاخیر کے خلاف مرکزی رٹ پٹیشن کو سماعت کے لیے منظور کرتے ہوئے متعلقہ حکام کو نوٹسز جاری کرنے اور کیس کو باقاعدہ سماعت کے لیے مقرر کرنے کی ہدایت کردی ہے۔
مزید پڑھیے: اربوں روپے کا آپٹیکل فائبر منصوبہ، وزیراعظم آزاد کشمیر نے عوام کو خوشخبری سنا دی
قانونی ماہرین کے مطابق عدالت کے اس فیصلے کے بعد صدارتی انتخابات کا عمل جاری رہے گا جبکہ آئینی نکات پر تفصیلی سماعت آئندہ تاریخ پر ہوگی۔
