پاکستان گڈز ٹرانسپورٹ الائنس نے ملک بھر میں کرایوں میں 60 فیصد اضافے کا اعلان کر دیا ہے۔
مزید پڑھیں:مشرقِ وسطیٰ میں جنگ کے اثرات: برطانوی پیٹرول پمپس پر گاڑیوں کی طویل قطاریں
صدر الائنس، ملک شہزاد اعوان کا کہنا ہے کہ پیٹرولیم مصنوعات کی قیمتوں میں حالیہ اضافے کے خلاف ٹرانسپورٹرز شدید تحفظات رکھتے ہیں، جس کے باعث کرایوں میں اضافہ ناگزیر ہو گیا ہے۔
ویڈیو بیان میں انہوں نے خبردار کیا کہ ایندھن کی قیمتوں میں اضافے سے ملک میں مہنگائی میں مزید شدت آئے گی۔
ان کا کہنا تھا کہ گزشتہ 3 ماہ کے دوران پیٹرول اور ڈیزل کی قیمتوں میں نمایاں اضافہ ہوا ہے، جس کے اثرات معیشت اور روزگار پر پڑ رہے ہیں۔
مزید پڑھیں: ڈیزل و پیٹرول کی فی لیٹر قیمتوں میں بالترتیب 184 روپے 49 پیسے اور 137 روپے 23 پیسے اضافہ
ملک شہزاد اعوان نے وفاقی حکومت کی پالیسیوں پر تنقید کرتے ہوئے کہا کہ ان فیصلوں کے نتیجے میں لاکھوں افراد بے روزگار ہو رہے ہیں۔
انہوں نے مزید کہا کہ اگر حکومت نے فوری طور پر پالیسیوں پر نظرثانی نہ کی تو ملک میں ٹرانسپورٹ کا نظام متاثر ہو سکتا ہے۔
