نائب وزیراعظم و وزیر خارجہ محمد اسحاق ڈار نے سعودی عرب کے وزیر خارجہ شہزادہ فیصل بن فرحان سے خطے کی تازہ صورتحال پر تفصیلی تبادلہ خیال کیا ہے۔
یہ بھی پڑھیں: مشرق وسطیٰ کشیدگی: پاکستان اور چین کا فوری جنگ بندی پر زور، امن کے لیے 5 نکات پیش کردیے
ٹیلیفونک رابطے میں دونوں رہنماؤں نے مشرق وسطیٰ اور خلیجی خطے میں کشیدگی کم کرنے کی فوری ضرورت پر زور دیتے ہوئے بات چیت اورسفارتی ذرائع کے فروغ کو ناگزیر قرار دیا۔
Deputy Prime Minister/Foreign Minister, Senator Mohammad Ishaq Dar @MIshaqDar50 spoke with Saudi Foreign Minister HH Prince Faisal bin Farhan @FaisalbinFarhan.
The two leaders exchanged views on the latest developments in the regional situation, emphasizing the urgent need for… pic.twitter.com/EN01zURZfN
— Ministry of Foreign Affairs – Pakistan (@ForeignOfficePk) April 3, 2026
اس موقع پر پاکستان اور چین کی جانب سے پیش کردہ ’5 پوائنٹ انیشیٹو‘ برائے امن پر بھی گفتگو ہوئی، جس کا مقصد خطے میں استحکام اور تنازعات کے پرامن حل کو فروغ دینا ہے۔
مزید پڑھیں: مشرق وسطیٰ کشیدگی: پاکستان کی سفارتی کوششوں پر سعودی عرب کا خراجِ تحسین
دفتر خارجہ کے مطابق گفتگو کے دوران پاکستان اور سعودی عرب کے درمیان دیرینہ، برادرانہ تعلقات کا اعادہ کیا گیا۔
دونوں رہنماؤں نے اس عزم کا اظہار کیا کہ باہمی رابطوں کو مزید مضبوط بنایا جائے گا اور اہم علاقائی وعالمی امور پر قریبی مشاورت جاری رکھی جائے گی۔
