وزیراعظم محمد شہباز شریف نے 4 اپریل 2026 کو شہید ذوالفقار علی بھٹو کی برسی پر اپنے پیغام میں انہیں خراج تحسین پیش کیا اور ان کی قومی، سیاسی اور آئینی خدمات کو سراہا۔
یہ بھی پڑھیں:ذوالفقار علی بھٹو کی برسی: سیاست، جدوجہد اور عدالتی فیصلے کی بازگشت
وزیراعظم کے مطابق ذوالفقار علی بھٹو نے اپنی ذمہ داریوں کے دوران ملک کی ترقی، خوشحالی اور مضبوط دفاع کے لیے خلوص نیت سے گراں قدر خدمات انجام دیں۔ انہوں نے آئین پاکستان 1973 کی تیاری اور منظوری میں تعمیری کردار ادا کیا، جو پارلیمانی نظام کی مضبوطی اور جمہوریت کے فروغ میں کلیدی حیثیت رکھتا ہے۔
وزیراعظم نے مزید کہا کہ ذوالفقار علی بھٹو نے عوامی طرز حکمرانی کو فروغ دیا اور عوام کے بنیادی مسائل کے حل کے لیے اہم اقدامات کیے، ساتھ ہی بین الاقوامی سطح پر بھی پاکستان کی نمائندگی کی۔ وزیراعظم نے شہید کی بلندی درجات کے لیے دعا کی اور کہا کہ ان کی سیاسی خدمات ہمیشہ یاد رکھی جائیں گی۔
