پاکستان تحریک انصاف کی رہنما سابق ممبر صوبائی اسمبلی عائشہ اقبال نے کہا ہے کہ ’ آج میں یہ بتانا چاہتی ہو کہ پی ٹی آئی اور سیاست سے کنارہ کشی کر رہی ہوں، ایسی سیاست پسند نہیں جس میں خون خرابا ہو۔
لاہور میں پریس کانفرنس میں ان کا کہنا تھا کہ 50 بچے جو مرے ہیں ان کی ماؤں سے پوچھیں وہ کس کرب کا شکار ہیں۔ میں پولیٹیکل ورکر نہیں مجھے پارٹی نے فلاحی کام کی وجہ سے ٹکٹ دیا تھا۔ مجھے 2 بار دوسری سیاسی جماعتوں سے آفر ہوئی لیکن میں لوٹا نہیں ہوں۔
پاکستان تحریک انصاف کی رہنما سابق ممبر صوبائی اسمبلی عائشہ اقبال نے کہا ’ایسی سیاست کے خلاف ہوں جس میں عوام کو پاک فوج کے خلاف ورغلایا جائے۔ پاکستان ہماری ریڈ لائن ہے، پاکستان ہے تو ہم ہیں۔
عائشہ اقبال نے کہا ’میں نے پی ٹی آئی چھوڑ نے کے لیے کسی سے مشاورت نہیں کی، خان صاحب کو تو میرا نام بھی نہیں پتا ہوگا، میں مکمل طور پر سیاست سے کنارہ کشی کر رہی ہوں۔
