حکومت کی جانب سے پیٹرولیم مصنوعات کی قیمتوں میں تبدیلی کے بعد اسلام آباد ٹرانسپورٹ اتھارٹی نے انٹرا سٹی ٹرانسپورٹ کے کرائے برقرار رکھنے کا فیصلہ کیا ہے۔
اس سلسلے میں اسلام آباد ٹرانسپورٹ ایسوسی ایشن نے بھی اپنے تمام اراکین کے لیے ہدایت نامہ جاری کیا ہے۔
ترجمان کے مطابق انتظامیہ کی جانب سے شہر میں چلنے والی ہائی ایس وینز کے کرایوں میں بھی اضافہ نہیں کیا گیا، جبکہ شیڈول سے زیادہ کرایہ وصول کرنے والی گاڑی اور ڈرائیور کو متعلقہ تھانے منتقل کیا جائے گا۔
چئیرمین اسلام آباد ٹرانسپورٹ اتھارٹی نے شہریوں سے اپیل کی ہے کہ وہ زیادہ کرایہ وصول کرنے والی ٹرانسپورٹ کی نشاندہی کریں۔
شہری اپنے شکایات کنٹرول روم نمبر 051-9108084 پر درج کروا سکتے ہیں۔
ڈپٹی کمشنر عرفان میمن نے کہاکہ خلاف ورزی کرنے والی گاڑی کا نمبر لازمی طور پر کنٹرول روم پر رپورٹ کیا جائے۔
دوسری جانب وفاقی حکومت نے ایک ماہ کے لیے اسلام آباد میں چلنے والی سرکاری پبلک ٹرانسپورٹ فری کردی ہے، جبکہ پنجاب میں 3 ماہ کے لیے اس سہولت کا اعلان کیا گیا ہے۔
