وزیراعظم شہباز شریف سے ترکیہ کے صدر رجب طیب اردوان نے ٹیلفونک رابطہ کیا ہے، ترک صدر نے خطے میں کشیدگی کے خاتمے کے لیے پاکستان کے تاریخی امن اقدام پر وزیر اعظم کو دلی مبارکباد دی۔
یہ بھی پڑھیں: امریکا ایران جنگ بندی سے اسرائیل ناخوش، امن عمل کو سبوتاژ کرنے کی سازشیں
صدر ایردوان نے خلیج میں تباہ کن تنازعہ کو ختم کرنے کی کوششوں میں وزیر اعظم کی جرات مندانہ اور سمجھدار قیادت کی تعریف کی، جس سے انسانی مصائب اور بنیادی ڈھانچے کی وسیع پیمانے پر تباہی سے بچاؤ ممکن ہوا۔
انہوں نے خطے میں امن و استحکام کی بحالی کے لیے وزیر اعظم شہباز شریف کی انتھک اور مخلصانہ کوششوں کے لیے ترکی کی مکمل حمایت کا اعادہ کیا۔
یہ بھی پڑھیں: وزیراعظم شہباز شریف کا مشرق وسطیٰ میں جنگ بندی کی خلاف ورزیوں پر اظہار تشویش
وزیراعظم شہباز شریف نے پاکستان کی امن کی مخلصانہ کوششوں کی حوصلہ افزائی اور توثیق پر ترک صدر کا شکریہ ادا کیا اور خطے اور عالمی امن و استحکام کے لیے پاکستان کے عزم کا اعادہ کیا۔
