وزیراعلیٰ پنجاب مریم نواز شریف نے عوامی سہولت کے لیے ’پنجاب پولیس پاکستان ایپ‘ کا افتتاح کر دیا، جس کے ذریعے شہری اب گھر بیٹھے اپنی قیمتی دستاویزات کی گمشدگی کی رپورٹ درج کرا سکیں گے۔
مزید پڑھیں: وزیراعظم آزاد کشمیر فیصل ممتاز راٹھور کی وزیراعلیٰ پنجاب مریم نواز سے ملاقات
اس ایپ کے ذریعے شناختی کارڈ، پاسپورٹ، ڈرائیونگ لائسنس اور دیگر اہم کاغذات کی گمشدگی کا اندراج آسانی سے کیا جا سکے گا، جس کے بعد شہریوں کو پولیس اسٹیشن یا خدمت مرکز جانے کی ضرورت نہیں رہے گی۔
شناختی کارڈ، پاسپورٹ، ڈرائیونگ لائسنس اور دیگر ضروری کاغذات کی گمشدگی رپورٹ کا گھر بیٹھے اندراج۔ وزیراعلیٰ پنجاب مریم نواز نے پنجاب پولیس پاکستان ایپ کا افتتاح کردیا، ہر شہری گھر بیٹھے ایپ کے ذریعے قیمتی دستاویزات کی گمشدگی رپورٹ درج کراسکے گا@MaryamNSharif @sajidsheikh321 pic.twitter.com/7XarIY4JPR
— Media Talk (@mediatalk922) April 9, 2026
حکام کے مطابق، ایپ پر رپورٹ درج کروانے کے بعد گمشدگی سے متعلق ایف آئی آر بھی شہریوں کو گھر پر ہی موصول ہو جائے گی، جس سے وقت اور وسائل دونوں کی بچت ممکن ہوگی۔
اس موقع پر وزیراعلیٰ مریم نواز شریف نے اس اقدام پر اطمینان کا اظہار کرتے ہوئے کہا کہ جدید ٹیکنالوجی کے ذریعے عوام کو سہولیات فراہم کرنا حکومت کا عزم ہے۔
مزید پڑھیں: امریکا ایران جنگ بندی: مریم نواز کا خیرمقدم، پاکستانی قیادت کو خراجِ تحسین
انہوں نے مزید کہا کہ پنجاب کو جدت کی راہ پر گامزن کرنا حکومت کی اولین ترجیح ہے، اور اس ایپ کے ذریعے عوام کو نمایاں آسانی میسر آئے گی۔
