سپریم کورٹ نے بہن کے قتل کے جرم میں محمد منور کی سزا کے خلاف دائر اپیل مسترد کرتے ہوئے عمر قید کی سزا کو برقرار رکھنے کا حکم دے دیا۔ جسٹس اشتیاق ابراہیم کی جانب سے جاری تحریری فیصلے میں قرار دیا گیا کہ استغاثہ ملزم کے خلاف جرم ثابت کرنے میں کامیاب رہا۔
یہ بھی پڑھیں:لکی مروت میں مولانا خالد امین قتل، خوارج کی انسانیت دشمنی ایک بار پھر بے نقاب
فیصلے کے مطابق محمد منور پر 2013 میں فیصل آباد میں اپنی بہن کو قتل کرنے کا الزام تھا۔ استغاثہ کے مطابق ملزم نے پسند کی شادی کا رنج رکھتے ہوئے اپنی بہن کے ماتھے پر فائر کر کے اسے قتل کیا۔ عدالت نے ریمارکس دیے کہ بھائی کا بہن کو قتل کرنا محض ایک جرم نہیں بلکہ ایک سنگین اخلاقی گراوٹ کی عکاسی کرتا ہے۔
سپریم کورٹ نے اپنے فیصلے میں کہا کہ وقوعہ کی اطلاع فوری طور پر پولیس کو دی گئی، جس سے کسی قسم کی مشاورت یا جھوٹی کہانی کا شبہ ختم ہو جاتا ہے۔ مزید یہ کہ چشم دید گواہان کی شہادتیں طبی شواہد اور میڈیکل رپورٹ سے مکمل طور پر مطابقت رکھتی ہیں، جس کی بنیاد پر ملزم کی سزا برقرار رکھی گئی۔
