اسلام آباد میں امریکا اور ایران کے درمیان امن مذاکرات کے باعث پاکستان اس وقت عالمی توجہ کا مرکز بن گیا ہے، جبکہ دنیا کے اہم رہنماؤں نے وزیراعظم محمد شہباز شریف سے ٹیلیفونک رابطے کیے ہیں۔
وزیراعظم کو مختلف ممالک کے سربراہان کی جانب سے اہم فون کالز موصول ہوئیں۔
وزیراعظم پاکستان کو امیر قطر، بحرین کے بادشاہ، لبنان کے وزیراعظم، فرانس کے صدر، آسٹریا کے چانسلر، جرمنی کے چانسلر اور اٹلی کی وزیر اعظم نے آج ٹیلی فون کیا۔
عالمی رہنماؤں نے وزیراعظم شہباز شریف کو پاکستان کی مؤثر اور کامیاب سفارتی کوششوں پر مبارکباد دی۔ ان کوششوں کے نتیجے میں ایران اور امریکا کے درمیان جنگ بندی ممکن ہوئی اور دونوں فریقین کے درمیان مذاکرات کی راہ ہموار ہوئی۔
رہنماؤں نے خطے میں امن و استحکام کے فروغ کے لیے پاکستان کے کردار کو سراہتے ہوئے امید ظاہر کی کہ یہ پیشرفت دیرپا امن کے قیام میں مددگار ثابت ہوگی۔
