جنگ بندی میں اہم کامیابی کے بعد پاکستان عالمی منظرنامے پر نمایاں حیثیت اختیار کر گیا ہے اور بین الاقوامی سطح پر اس کی مؤثر سفارتی کاوشوں کو بھرپور سراہا جا رہا ہے۔
عالمی سرچ ٹرینڈز کے مطابق پاکستان سوشل میڈیا پر سرفہرست موضوعات میں شامل رہا۔ امریکی نائب صدر جے ڈی وینس بھی ٹرینڈنگ میں نمایاں رہے تاہم عالمی سطح پر سب سے زیادہ تلاش کی جانے والی شخصیت فیلڈ مارشل جنرل عاصم منیر ہیں جو اس وقت گلوبل سرچ میں نمبر ون پوزیشن پر موجود ہیں۔
@samaadigital Field Marshal Gen Syed Asim Munir Tops Global Search Trends | Samaa Transmission #Samaatv #SamaaTransmission #GlobalPeaceByPakistan #IslamAbadTalks #GlobalSearchTrends #FieldMarshalAsimMunir #IranUSCeaseFire #pakistan ♬ original sound – Samaa TV
دوسری جانب امریکی نائب صدر جے ڈی وینس نے ایران اور امریکا کے درمیان جنگ بندی کی کوششوں کو سراہتے ہوئے وزیر اعظم شہباز شریف اور فیلڈ مارشل عاصم منیر کا خصوصی شکریہ ادا کیا۔ انہوں نے کہا کہ پاکستان نے اس عمل میں نہایت اہم اور مثبت کردار ادا کیا۔ انہوں نے کہا کہ ہم تہِ دل سے پاکستان کے شکرگزار ہیں جنہوں نے مذاکرات کو کامیاب بنانے کیلئے پوری کوشش کی۔
دوسری جانب ایرانی وزارت خارجہ کے ترجمان اسماعیل بقائی نے بھی ایران سے متعلق جنگ بندی کی کوششوں میں پاکستان کے کردار کو سراہا۔ انہوں نے کہا کہ ایران پاکستان کا تہِ دل سے شکر گزار ہے جس نے مذاکرات کو کامیاب بنانے کے لیے بھرپور کوشش کی۔
یہ بھی پڑھیں: ’جے ڈی وینس پاکستان آتے ہی کوئٹہ ہوٹل پہنچ گئے‘، سوشل میڈیا پر میمز کی بھرمار
ایرانی پارلیمانی اسپیکر محمد باقر قالیباف نے بھی پاکستان کی مذاکراتی عمل میں سہولت کاری پر شکریہ ادا کیا اور پاکستان کو دوست اور برادر ملک قرار دیا۔ انہوں نے کہا کہ پاکستان کی کوششیں اس عمل کو آگے بڑھانے میں اہم رہی ہیں۔
