پاکستان ائیر فورس اکیڈمی رسالپور میں کیڈٹس کی پاسنگ آؤٹ تقریب منعقد ہوئی جس میں پاک بحریہ کے سربراہ ایڈمرل نوید اشرف نے بطور مہمان خصوصی شرکت کی۔ اس موقع پر انہوں نے پریڈ کا معائنہ کیا جبکہ ایئر چیف مارشل ظہیر احمد بابر سدھو بھی تقریب میں موجود تھے۔
مزید پڑھیں: پاک بحریہ کی 124ویں مڈشپ مین اور 32ویں شارٹ سروس کمیشن کورس کی پاسنگ آؤٹ تقریب
نیول چیف نے پاس آؤٹ ہونے والے کیڈٹس کو مبارکباد دیتے ہوئے کہا کہ اصغر خان اکیڈمی سے فارغ التحصیل ہونے والے کیڈٹس کی خدمات ایک شاندار تاریخ رکھتی ہیں۔ انہوں نے کہا کہ قوم کی حمایت سے افواج پاکستان دہشتگردی کے خلاف کامیابی سے برسرپیکار ہیں۔
پی اے ایف اکیڈمی رسالپور میں کیڈٹس کی پاسنگ آؤٹ پریڈ چیف آف نیول اسٹاف ایڈمرل نوید اشرف تقریب کے مہمانِ خصوصی۔ pic.twitter.com/MG7MBQkrKY
— WE News (@WENewsPk) April 14, 2026
انہوں نے پاک فضائیہ کو جدید ٹیکنالوجی سے لیس ایک مضبوط اور ناقابلِ تسخیر قوت قرار دیتے ہوئے کہا کہ فضائی حدود کے دفاع سے لے کر جدید جنگی چیلنجز تک، پاک فضائیہ ہر محاذ پر مکمل طور پر تیار ہے۔ نیول چیف نے مئی 2025 میں پاک فضائیہ کی پیشہ ورانہ صلاحیتوں کے بھرپور مظاہرے کو بھی سراہا۔
ایڈمرل نوید اشرف نے کہا کہ پاک بحریہ ملک کی بحری سرحدوں کے دفاع میں اہم کردار ادا کر رہی ہے اور کسی بھی جارحیت کا منہ توڑ جواب دینے کے لیے ہمہ وقت تیار ہے۔ انہوں نے مزید کہا کہ حالیہ کشیدگی کے دوران پاک بحریہ نے دشمن کو جارحیت سے باز رکھنے میں اہم کردار ادا کیا۔
میں صدقِ دل سے اللہ تعالیٰ کو حاضر و ناظر جان کر حلف اٹھاتا ہوں کہ میں خلوصِ نیت سے پاکستان کا حامی اور وفادار رہوں گا، اور اسلامی جمہوریہ پاکستان کے آئین کی حمایت کروں گا۔ pic.twitter.com/i3dQ2ajkyq
— WE News (@WENewsPk) April 14, 2026
انہوں نے ایران اور امریکا کے تنازعے کے باعث آبنائے ہرمز میں پیدا ہونے والی صورتحال کا ذکر کرتے ہوئے کہا کہ اس سے عالمی سطح پر تیل کی فراہمی متاثر ہوئی ہے۔
مزید پڑھیں: پاک فضائیہ کی ایئر مین اکیڈمی میں پاسنگ آؤٹ پریڈ، 1155 ملکی و غیرملکی ٹرینیز کی تربیت مکمل
250 فٹ کی بلندی پر فضا کا سینہ چیرتے ہوئے F-16 اور JF-17 لڑاکا طیاروں کی پی اے ایف پاسنگ آؤٹ پریڈ میں سلامی کا منفرد اور دلکش انداز! pic.twitter.com/s4yfe4vcWV
— WE News (@WENewsPk) April 14, 2026
نیول چیف نے کیڈٹس کے پیشہ ورانہ معیار کو سراہتے ہوئے کہا کہ قوم کو ان پر فخر ہے اور پاکستان کی دفاعی سرحدیں محفوظ ہاتھوں میں ہیں۔ تقریب کے اختتام پر انہوں نے نمایاں کارکردگی دکھانے والے کیڈٹس میں انعامات بھی تقسیم کیے۔
