پاکستان سپر لیگ (پی ایس ایل) کی فرنچائزملتان سلطانز نے اپنے ملکی اور غیر ملکی کھلاڑیوں کو 3 روز کی رخصت دے دی۔
یہ بھی پڑھیں: پی ایس ایل 11، ملتان سلطانز نے کوئٹہ گلیڈی ایٹرز کو 6وکٹوں سے شکست دے دی
اطلاعات کے مطابق یہ فیصلہ کھلاڑیوں کو آرام اور انتظامی سہولت فراہم کرنے کے لیے کیا گیا ہے۔
بتایا جا رہا ہے کہ غیر ملکی کھلاڑیوں کو ایک ہی مقام پر زیادہ وقت تک محدود نہ رکھنے کے لیے مینجمنٹ نے انہیں دبئی بھیج دیا ہے تاکہ وہ اس دوران آرام بھی کر سکیں اور اپنے شیڈول کے مطابق وقت گزار سکیں۔
اس دوران آسٹریلوی کھلاڑی اسٹیو اسمتھ، ایشٹن ٹرنر اور پیٹر سیڈل سمیت دیگر غیر ملکی کھلاڑی دبئی روانہ ہو گئے ہیں۔
مزید پڑھیے: کراچی میں پی ایس ایل 11 کا میلہ سج گیا، نیشنل بینک اسٹیڈیم میں سنسنی خیز مقابلوں کا آغاز
اسی طرح پاکستانی کھلاڑی بھی اپنے اپنے شہروں کو روانہ ہو گئے ہیں۔ ذرائع کے مطابق تمام کھلاڑی 16 اپریل کو دوبارہ ٹیم کو رپورٹ کریں گے۔ ملتان سلطانز کی ٹیم اپنا اگلا میچ 19 اپریل کو کراچی کنگز کے خلاف کھیلے گی۔
