نائب وزیراعظم و وزیر خارجہ سینیٹر اسحاق ڈار سے رومانیہ کی وزیر خارجہ اوانا تسویو ٹوئیو نے ٹیلیفونک رابطہ کیا ہے، جس میں دوطرفہ تعلقات اور خطے کی صورتحال پر تبادلہ خیال کیا گیا۔
یہ بھی پڑھیں: عالمی سفارتکاری میں پاکستان کا ڈنکا بج گیا، وزیرخارجہ اسحاق ڈار دنیا کے مقبول ترین لیڈر قرار
دفتر خارجہ کے مطابق رومانیہ کی وزیر خارجہ نے اسلام آباد مذاکرات کی سہولت کاری میں پاکستان کے کردار کو سراہا۔
Deputy Prime Minister / Foreign Minister Senator Mohammad Ishaq Dar @MIshaqdar50 today received a telephone call from Romanian Foreign Minister Oana-Silvia Toiu @oana_toiu.
Foreign Minister Toiu appreciated Pakistan’s role in facilitating the Islamabad talks. Both leaders… pic.twitter.com/7K9ep34jjo
— Ministry of Foreign Affairs – Pakistan (@ForeignOfficePk) April 14, 2026
دونوں رہنماؤں نے پاکستان اور رومانیہ کے تعلقات میں مثبت پیشرفت پر اطمینان کا اظہار کیا اور مختلف شعبوں میں تعاون مزید مضبوط بنانے کے عزم کا اعادہ کیا۔
یہ بھی پڑھیں: اقوام متحدہ کے سیکریٹری جنرل کا وزیرخارجہ اسحاق ڈار سے ٹیلیفونک رابطہ، خطے میں امن کے لیے پاکستان کے کردار کی تعریف
گفتگو کے دوران علاقائی اور عالمی امور پر بھی تبادلہ خیال کیا گیا، اور دونوں رہنماؤں نے تنازعات کے پرامن حل کے لیے مسلسل مذاکرات اور سفارتکاری کی اہمیت پر اتفاق کیا۔
دفتر خارجہ کے مطابق یہ رابطہ دونوں ممالک کے درمیان سفارتی تعلقات کو مزید مضبوط بنانے کی سمت ایک اہم پیشرفت ہے۔
