نائب وزیراعظم و وزیر خارجہ سینیٹر محمد اسحاق ڈار سے اقوام متحدہ کے سیکریٹری جنرل انتونیو گوتریس نے ٹیلیفونک رابطہ کیا ہے، جس میں خطے کی صورتحال اور امن کے امور پر تبادلہ خیال کیا گیا۔
یہ بھی پڑھیں: عالمی سفارتکاری میں پاکستان کا ڈنکا بج گیا، وزیرخارجہ اسحاق ڈار دنیا کے مقبول ترین لیڈر قرار
دفتر خارجہ کے مطابق یواین سیکریٹری جنرل نے اسلام آباد میں مذاکرات کے انعقاد میں پاکستان کے تعمیری کردار کو سراہا اور خطے میں امن کے فروغ کے لیے نائب وزیراعظم و وزیر خارجہ کی کوششوں کی تعریف کی۔
DPM/FM Senator Mohammad Ishaq Dar @MIshaqDar50 received a call from UN Secretary-General Antonio Guterres @antonioguterres today.
The SG appreciated Pakistan’s constructive role in convening the Islamabad talks and commended the DPM/FM’s efforts in advancing regional peace. He… pic.twitter.com/H7v9LWuoat
— Ministry of Foreign Affairs – Pakistan (@ForeignOfficePk) April 14, 2026
سیکریٹری جنرل نے اس موقع پر اس بات کا بھی اظہار کیا کہ اقوام متحدہ پاکستان کی امن و استحکام کے لیے جاری کوششوں کی مکمل حمایت کرتا ہے۔
یہ بھی پڑھیں: اسحاق ڈار کی یورپی یونین خارجہ امور کی نمائندے سے ٹیلی فونک گفتگو، خطے کی صورتحال پر تبادلہ خیال
نائب وزیراعظم و وزیر خارجہ اسحاق ڈار نے گفتگو کے دوران پاکستان کے اس عزم کا اعادہ کیا کہ ملک خطے میں امن اور استحکام کے لیے بات چیت اور سفارت کاری کو فروغ دیتا رہے گا۔
دفتر خارجہ کے مطابق یہ رابطہ خطے میں جاری سفارتی کوششوں اور امن کے فروغ کے تناظر میں اہم پیشرفت قرار دیا جارہا ہے۔
