نائب وزیراعظم و وزیر خارجہ سینیٹر اسحاق ڈار نے ترک وزیر خارجہ حاقان فدان سے علاقائی صورتحال اور باہمی دلچسپی کے امور پر تفصیلی تبادلہ خیال کیا ہے۔
ترجمان دفتر خارجہ کے مطابق منگل کی شام ٹیلیفون پر ہونے والی اس گفتگو میں دونوں رہنماؤں نے خطے میں جاری پیش رفت اور حالیہ حالات کا جائزہ لیا۔
یہ بھی پڑھیں: عالمی سفارتکاری میں پاکستان کا ڈنکا بج گیا، وزیرخارجہ اسحاق ڈار دنیا کے مقبول ترین لیڈر قرار
دونوں رہنماؤں نے اس بات پر زور دیا کہ اہم امور پر قریبی رابطہ اور مشاورت جاری رکھنا نہایت ضروری ہے۔
DPM/FM Senator Mohammad Ishaq Dar @MIshaqDar50 spoke this evening with Turkish Foreign Minister Hakan Fidan @HakanFidan.
Both leaders exchanged views on the regional situation, including the latest developments, and reaffirmed the importance of close coordination on issues of… pic.twitter.com/XHytiygb7K
— Ministry of Foreign Affairs – Pakistan (@ForeignOfficePk) April 14, 2026
دونوں وزرائے خارجہ نے آنے والے انطالیہ ڈپلومیسی فورم کے موقع پر ہونے والی اہم سفارتی سرگرمیوں پر بھی تبادلہ خیال کیا اور اس فورم کو باہمی تعاون کو مزید فروغ دینے کے لیے اہم قرار دیا۔
ترجمان کے مطابق پاکستان اور ترکیہ کے درمیان قریبی سفارتی روابط اور ہم آہنگی کو مزید مستحکم بنانے پر بھی اتفاق کیا گیا۔
