امریکا سے تعلق رکھنے والی معروف صحافی کیٹلن ڈورن بوس نے جو حال ہی میں ’اسلام آباد ٹاکس‘ میں شرکت کے لیے پاکستان آئی تھیں انہوں نے اپنے قیام میں توسیع کرتے ہوئے دارالحکومت اور اس کے گرد و نواح کی ثقافتی جھلکیاں قریب سے دیکھنے میں گہری دلچسپی ظاہر کی ہے۔
سماجی رابطوں کی سایٹ ایکس پر انہوں نے پاکستانیوں کو مخاطب کرتے ہوئے کہا کہ چونکہ میں ابھی کچھ اور دن پاکستان میں رہنے والی ہوں، کیا آپ مجھے بتا سکتے ہیں کہ اپنے فارغ وقت میں مجھے کیا کرنا اور کیا دیکھنا چاہیے؟
Pakistani friends: Now that I'm staying in Pakistan for a few more days, any suggestions on what I should do and see in my off time? I'd love to take in some cultural experiences, but am still working so need to stay close to Islamabad.
— Caitlin Doornbos (@CaitlinDoornbos) April 15, 2026
انہوں نے کہا کہ میں مقامی ثقافت سے قریب تر ہونے کے مواقع تلاش کر رہی ہوں۔ تاہم پیشہ ورانہ مصروفیات کے باعث میری ترجیح اسلام آباد اور اس کے نواحی علاقوں تک محدود رہنے کی ہے۔ لہٰذا ایسے مقامات اور سرگرمیوں کی تجاویز فراہم کی جائیں جو ثقافتی لحاظ سے بھرپور ہوں اور دارالحکومت کے قریب واقع ہوں۔
اس سے قبل بھی انہوں نہ صرف پاکستانی عوام کی مہمان نوازی کو سراہتے ہوئے مقامی کھانوں کی تعریف کی اور اسے ناقابلِ فراموش تجربہ قرار دیا۔ انہوں نے اسلام آباد کے ایک ریسٹورنٹ میں کھانے کی تصویر شیئر کرتے ہوئے بتایا کہ کھانا بہت شاندار تھا۔ اور روایتی پاکستانی میٹھے ’حلوے‘ کی تصویر شیئر کرتے ہوئے اسے اپنا ’نیا پسندیدہ‘ کھانا قرار دیا۔ انہوں نے اسلام آباد کو خوبصورت شہر قرار دیا۔
