انڈونیشیا کے مغربی صوبے کلیمانتان میں ایک افسوسناک ہیلی کاپٹر حادثے میں سوار تمام 8 افراد جاں بحق ہو گئے۔
حکام کے مطابق ایک ہیلی کاپٹر جمعرات کی صبح میلوی کے ایک پالم آئل پلانٹیشن علاقے سے اڑان بھرنے کے قریباً 5 منٹ بعد کنٹرول ٹاور سے رابطہ کھو بیٹھا۔
مزید پڑھیں:مہاراشٹر کے نائب وزیر اعلیٰ کی ہیلی کاپٹر حادثے میں ہلاکت کے بعد انکی بیوہ عہدے کے لیے نامزد
انڈونیشیا کی ریسکیو ایجنسی کے سربراہ نے بتایا کہ ہیلی کاپٹر گھنے جنگلات اور پہاڑی علاقے میں گر کر تباہ ہوا، جہاں ریسکیو ٹیموں کو شدید مشکلات کا سامنا ہے۔
ابتدائی معلومات کے مطابق جائے حادثہ سے ملبہ ملا ہے، جس میں ہیلی کاپٹر کی دم کا حصہ بھی شامل ہے، جو رابطہ منقطع ہونے کی جگہ سے قریباً 3 کلومیٹر دور پایا گیا۔
حکام نے تصدیق کی ہے کہ ہیلی کاپٹر میں موجود 6 مسافر اور 2 عملے کے ارکان موقع پر ہی ہلاک ہو گئے۔
ریسکیو ٹیمیں، جن میں فوج اور پولیس اہلکار شامل ہیں، زمینی راستوں کے ذریعے جائے حادثہ تک پہنچنے کی کوشش کر رہی ہیں۔ ہیلی کاپٹر ایک مقامی کمپنی کے زیر انتظام تھا جبکہ پرواز پالم آئل کمپنی کے علاقے سے روانہ ہوئی تھی۔
مزید پڑھیں:کنگ چارلس کا پاکستان میں تباہ کن سیلاب اور ہیلی کاپٹر حادثے پر اظہارِ افسوس
انڈونیشیا میں فضائی سفر اہم ذریعہ نقل و حمل ہے کیونکہ یہ ملک ہزاروں جزائر پر مشتمل ہے، تاہم گزشتہ برسوں میں وہاں فضائی حادثات کی شرح تشویشناک رہی ہے۔ حکام کے مطابق حادثے کی اصل وجہ ابھی تک معلوم نہیں ہو سکی اور تحقیقات جاری ہیں۔
