امریکا اور ایران کے درمیان بڑھتی ہوئی کشیدگی کے تناظر میں پاکستان بین الاقوامی سطح پر ایک بار پھر اہمیت حاصل کرتا جا رہا ہے جبکہ سوشل میڈیا پر بھی پاکستان موضوعِ بحث بنا ہوا ہے۔
متعدد صارفین پاکستان کے ثالثی کردار اور خطے میں اس کی سفارتی اہمیت کو سراہ رہے ہیں۔ اسی دوران بھارتی وزیرِ اعظم نریندر مودی سے متعلق دلچسپ اور طنزیہ نوعیت کی اے آئی سے تیار کردہ میمز بھی وائرل ہو رہی ہیں، جن میں انہیں مزاحیہ انداز میں ’چائے والے‘ کے طور پر دکھایا گیا ہے۔
یہ بھی پڑھیں: مودی کو اسلام آباد مذاکرات کے لیے ویٹر کی نوکری مل گئی‘، جنگ بندی کے بعد سوشل میڈیا پر میمز کا طوفان
اسی سلسلے میں ایک امریکی اخبار نیویارک ٹائمز نے مصنوعی ذہانت (اے آئی) سے تیار کردہ ایک میم شائع کی جس میں بھارتی وزیرِ اعظم نریندر مودی کو پس منظر میں چائے بناتے ہوئے دکھایا گیا ہے جبکہ امریکی نائب صدر جے ڈی وینس اور ایران کے وزیرِ خارجہ عباس عراقچی پاکستان کے وزیرِ اعظم شہباز شریف کے ساتھ ایک گروپ تصویر میں موجود ہیں۔
اس تصویر پر بھارتی سوشل میڈیا صارف اشوک سوائن نے تبصرہ کرتے ہوئے کہا کہ اب کچھ حلقے شاید امریکی اخبار کو بھی ’ہندو مخالف‘ قرار دینے لگیں گے۔
They may now call New York Post Hinduphobic! The New York Post published an AI memes: Modi pouring tea in the background while JD Vance and Iran's FM Araghchi pose with Pakistan's PM Sharif. pic.twitter.com/ruQCuJFj2E
— Ashok Swain (@ashoswai) April 17, 2026
متعدد پاکستانی صارفین نے اس پر ردِعمل دیتے ہوئے کہا کہ وہ بھارتی عوام کے جذبات کو بخوبی سمجھ سکتے ہیں جبکہ کچھ صارفین کا کہنا تھا کہ یہ میمز اب امریکا تک بھی پہنچ چکی ہیں۔ کئی صارفین نے اس بات کی جانب بھی اشارہ کیا کہ ابھی تو اسلام آباد مذاکرات کا دوسرا مرحلہ شروع ہونے والا ہے۔
