نائب وزیرِ اعظم و وزیرِ خارجہ سینیٹر اسحاق ڈار نے کہا ہے کہ وزیرِ اعظم شہباز شریف کے ہمراہ سعودی عرب، قطر اور ترکیہ کے دورے انتہائی مفید اور نتیجہ خیز رہے، جن کے دوران اہم شعبوں میں دوطرفہ تعاون کے فروغ پر بامعنی بات چیت کی گئی۔
Some lighthearted moments on the sidelines of the #AntalyaDiplomacyForum with my brothers Hakan Fidan @HakanFidan and Badr Abdelatty, together with Prime Minister Shehbaz Sharif @CMShehbaz.
Amidst important discussions, it is always good to also share moments of warmth and… pic.twitter.com/UDaDZJEahP
— Ishaq Dar (@MIshaqDar50) April 18, 2026
سماجی رابطے کی ویب سائٹ ایکس پر جاری اپنے پیغامات میں اسحاق ڈار نے بتایا کہ دورے کے دوران سعودی عرب اور قطر میں اعلیٰ سطحی ملاقاتیں ہوئیں، جن میں باہمی تعلقات کو مزید مضبوط بنانے اور مختلف شعبوں میں تعاون بڑھانے پر اتفاق کیا گیا۔
انہوں نے کہا کہ انطالیہ ڈپلومیسی فورم کے موقع پر وزیرِ اعظم شہباز شریف کی ترکیہ کے صدر رجب طیب اردوان سے نہایت اہم اور مثبت ملاقات ہوئی، جبکہ دیگر عالمی رہنماؤں سے بھی بامقصد تبادلہ خیال کیا گیا۔ اسحاق ڈار نے بتایا کہ انہوں نے خود بھی فورم کے موقع پر مختلف اہم ملاقاتیں اور سفارتی روابط انجام دیے۔
انہوں نے انطالیہ ڈپلومیسی فورم کو ایک اہم عالمی پلیٹ فارم قرار دیتے ہوئے کہا کہ یہ فورم اب دنیا بھر کے رہنماؤں کے درمیان مکالمے، امن، استحکام اور تعاون کے فروغ کے لیے ایک مؤثر ذریعہ بن چکا ہے۔ انہوں نے ترکیہ کی حکومت اور عوام کا پرتپاک مہمان نوازی اور بہترین انتظامات پر شکریہ ادا کیا، جس سے فورم کی کامیابی ممکن ہوئی۔
We have just concluded the last leg of our engagements following productive and fruitful visits, accompanying Prime Minister Shehbaz Sharif @CMShehbaz to Saudi Arabia and Qatar, where we held meaningful bilateral discussions aimed at strengthening cooperation across key areas.…
— Ishaq Dar (@MIshaqDar50) April 18, 2026
اسحاق ڈار نے انقرہ میں پاکستانی سفارت خانے کی ٹیم کی کارکردگی کو بھی سراہتے ہوئے کہا کہ ان کی محنت اور تعاون نے اس دورے کو کامیاب بنانے میں اہم کردار ادا کیا۔
یہ بھی پڑھیں:وزیرِ اعظم شہباز شریف کا سہ ملکی دورہ مکمل، ترکیہ سے پاکستان روانگی
ایک اور ٹوئٹ میں وزیرِ خارجہ نے فورم کے موقع پر خوشگوار لمحات کا ذکر کرتے ہوئے بتایا کہ انہوں نے ترکیہ کے وزیر خارجہ حاقان فیدان اور مصر کے وزیر خارجہ بدر عبدالعاطی کے ساتھ، وزیرِ اعظم شہباز شریف کی موجودگی میں دوستانہ ماحول میں ملاقات کی۔ انہوں نے کہا کہ اہم سفارتی سرگرمیوں کے دوران ایسے خوشگوار اور برادرانہ لمحات تعلقات کو مزید مضبوط بنانے میں مدد دیتے ہیں۔
انہوں نے اپنے پیغام کے اختتام پر کہا کہ وہ دورہ مکمل کرنے کے بعد پاکستان واپس روانہ ہو رہے ہیں۔
