امریکی صدر ڈونلڈ ٹرمپ نے اعلان کیا ہے کہ ان کے خصوصی ایلچی اسٹیو وٹکوف اور مشیر جیرڈ کشنر منگل کے روز اسلام آباد میں ایران کے ساتھ امن مذاکرات کے دوسرے دور میں شرکت کریں گے۔
امریکی صحافی کیٹلِن ڈورن بوس کے مطابق بات صدر ٹرمپ نے ان کو بتائی ہے۔
Breaking: President Trump just told me that Special Envoy Steve Witkoff and Jared Kushner will be in Islamabad for round two of Iran peace talks on Tuesday. https://t.co/mtjNaDavYJ
— Caitlin Doornbos (@CaitlinDoornbos) April 19, 2026
یہ پیش رفت ایسے وقت میں سامنے آئی ہے جب ایران اور امریکہ کے درمیان جنگ بندی کی مدت ختم ہونے کے قریب ہے اور مذاکرات کو آگے بڑھانے کی کوششیں جاری ہیں۔
واضح رہے کہ امریکا اور ایران کے درمیان مذاکرات کا دوسرا دور اسلام آباد میں ہونے جا رہا ہے۔ اس سے قبل امریکی صدر ڈونلڈ ٹرمپ نے اعلان کیاکہ ان کے نمائندے اسلام آباد روانہ ہورہے ہیں۔
پاکستان میں ایران اور امریکا کے درمیان مجوزہ مذاکرات کے دوسرے دور کے سلسلے میں اہم پیش رفت سامنے آئی ہے، جہاں امریکی ایڈوانس سیکیورٹی ٹیم کے 6 خصوصی طیارے پاکستان پہنچ گئے ہیں۔
دوسری جانب امریکی صدر ڈونلڈ ٹرمپ نے ایران پر آبنائے ہرمز میں جنگ بندی معاہدے کی خلاف ورزی کا الزام عائد کرتے ہوئے سخت ردعمل کا اظہار کیا ہے۔
مزید پڑھیں: ایران نے معاہدہ قبول نہ کیا تو وہ اقدامات کریں گے جو 47 برسوں میں کیے جانے چاہیے تھے، ڈونلڈ ٹرمپ
سوشل میڈیا پر اپنے ایک بیان میں انہوں نے کہاکہ میرے نمائندے مذاکرات کے لیے اسلام آباد روانہ ہو رہے ہیں، اگر ایران نے معاہدہ قبول نہ کیا تو ہم وہ اقدامات کریں گے جو گزشتہ 47 برسوں میں کیے جانے چاہیے تھے۔
