وفاقی دارالحکومت اسلام آباد کی سڑکوں پر دونوں پاؤں سے محروم باہمت نوجوان کاشف خان نے فور ویل موٹر سائیکل پر بائیکیا سروس شروع کی ہے۔ کاشف خان مشکلات کے باوجود اپنے گھر کی کفالت کر رہے ہیں۔
وی نیوز سے گفتگو کرتے ہوئے کاشف خان نے کہاکہ وہ بچپن سے دونوں پاؤں سے محروم ہیں، لیکن انہوں نے ہمت نہیں ہاری اور محنت مزدوری کی۔
کاشف پہلے فیکٹری میں کام کرتے تھے، جبکہ بعد ازاں انہوں نے بائیکیا سروس شروع کر دی۔
ان کے مطابق اسلام آباد پولیس تعاون کرتی ہے، مگر کچھ سواریاں فور ویل بائیک اور پاؤں سے محرومی دیکھ کر رائیڈ کینسل کر دیتی ہیں۔
کاشف خان نے کہاکہ اگر انہیں افراد باہم معذوری کے کوٹے پر سرکاری نوکری ملے تو آئندہ کی زندگی بہتر اور آسان گزر سکتی ہے۔
