پاکستان اور مصر کی افواج کے درمیان انسداد دہشتگردی پر مبنی مشترکہ فوجی مشق ’تھنڈر II‘ خیبر پختونخوا کے علاقے چراٹ میں کامیابی سے مکمل ہو گئی۔ 2 ہفتوں پر محیط اس مشق کا مقصد مشترکہ تربیت کے ذریعے پیشہ ورانہ مہارت، طریقہ کار اور آپریشنل تکنیک کو مزید بہتر بنانا اور دونوں افواج کے درمیان ہم آہنگی کو فروغ دینا تھا۔
مزید پڑھیں: صدر مملکت کی مسلح افواج کے افسران اور جوانوں کو 1,989 فوجی اعزازات دینے کی منظوری، آئی ایس پی آر
آئی ایس پی آر کے مطابق مشق میں پاک فوج کے اسپیشل سروسز گروپ (ایس ایس جی) اور مصری اسپیشل فورسز کے دستوں نے بھرپور شرکت کی اور دورانِ تربیت اعلیٰ پیشہ ورانہ صلاحیتوں کا مظاہرہ کیا۔
Pakistan–Egypt Joint Exercise Thunder-II, focused on counterterrorism operations, was successfully conducted between the armies of Pakistan and Egypt at Cherat, Pakistan. @KulAalam @iamabidmalik @azamshaam pic.twitter.com/I7IlLGlpgV
— Media Talk (@mediatalk922) April 20, 2026
اختتامی تقریب میں اسپیشل سروسز گروپ کے جنرل آفیسر کمانڈنگ نے بطور مہمانِ خصوصی شرکت کی، جبکہ مصری پیراٹروپرز کے کمانڈر میجر جنرل محمد سعد عبدالرازق اور مصر کے دفاعی اتاشی بھی اس موقع پر موجود تھے۔
یہ مشترکہ مشق دونوں برادر ممالک کے درمیان دیرینہ اور مضبوط فوجی تعلقات کو مزید مستحکم بنانے میں اہم سنگِ میل ثابت ہوئی۔
