کراچی کے علاقے گلشن اقبال میں نامعلوم سمت سے آنے والی گولی لگنے سے متحدہ قومی موومنٹ (ایم کیو ایم) پاکستان کے رکن قومی اسمبلی اقبال محسود خان کی 19 سالہ بیٹی جاں بحق ہو گئیں۔
یہ بھی پڑھیں: ایم کیو ایم پاکستان 15 اکتوبر تک پارٹی انتخابات کرائے، الیکشن کمیشن
پولیس کے مطابق مقتولہ ماہ نور جو میڈیکل کی طالبہ تھیں ہفتے کی رات تقریباً 10 بجے اپنے گھر کی چھت پر موجود تھیں کہ نامعلوم سمت سے آنے والی گولی انہیں لگ گئی۔
گلشن اقبال تھانے کے ایس ایچ او محمد سعود کے مطابق انہیں شدید زخمی حالت میں قریبی نجی اسپتال منتقل کیا گیا تاہم وہ اتوار کی دوپہر دوران علاج دم توڑ گئیں۔
Speaker National Assembly, Sardar Ayaz Sadiq, has expressed profound grief and sorrow over the sad demise of the young daughter of Member National Assembly Muhammad Iqbal Khan.
NA Speaker said that daughter is a source of immense affection, warmth, and emotional strength within… https://t.co/fXEclE1ibG
— National Assembly 🇵🇰 (@NAofPakistan) April 19, 2026
پولیس کا کہنا ہے کہ واقعے کی قانونی کارروائی مکمل کر لی گئی ہے تاہم اہلخانہ کی جانب سے مقدمہ درج کروانے میں ہچکچاہٹ ظاہر کی جا رہی ہے۔
مزید پڑھیے: کامران ٹیسوری کو کیوں ہٹایا؟ وزیراعظم سے ملاقات میں ایم کیو ایم کا سوال
دریں اثنا قومی اسمبلی کے اسپیکر ایاز صادق نے واقعے پر گہرے دکھ اور افسوس کا اظہار کرتے ہوئے مرحومہ کے اہلخانہ سے تعزیت کی ہے۔
