صوبائی دارالحکومت لاہور کے علاقے ایل ڈی اے اسٹاپ، رائیونڈ روڈ کے قریب سرکاری بس (اسپیڈو) کے عملے کی جانب سے ایک بچی پر تشدد کا افسوسناک واقعہ سامنے آیا ہے جس کی ویڈیو بھی سوشل میڈیا پر وائرل ہو گئی ہے۔
اسپیڈو بس نمبر ایل ایچ آر ای وی 008 کے عملے نے بچی کو بس میں سوار ہونے سے روکنے کے دوران اس پر تشدد کیا۔ وائرل ویڈیو میں دیکھا جا سکتا ہے کہ بچی بس میں چڑھنے کی کوشش کرتی ہے تاہم بس کا عملہ اسے روکنے کے ساتھ ساتھ تھپڑ مارتا ہے اور بس میں داخل نہیں ہونے دیتا۔
لاہور میں سرکاری بس(سپیڈو بس) کے عملے کا بچی پر تشدد pic.twitter.com/IjH6LFQMVb
— Muhammad Umair (@MohUmair87) April 20, 2026
ویڈیو وائرل ہونے کے بعد سوشل میڈیا صارفین نے وزیراعلیٰ مریم نواز سے واقعے کا نوٹس لینے کا مطالبہ کیا۔ متعدد صارفین نے سوال اٹھایا کہ کیا مفت سفر کے ساتھ مفت تشدد بھی برداشت کرنا ہو گا؟ صارف نے مطالبہ کیا کہ ڈی آئی جی آپریشنزلاہوراس کا ایسا سافٹ وئیراپ ڈیٹ کریں کہ یہ دوبارہ کسی خاتون کی طرف دیکھےتک نہیں۔
لاہور:سپیڈو بس سروس کےاہلکارکانوجوان لڑکی پرتشدد،بس میں سوارہونےکی کوشش کرتی لڑکی پرتھپڑوں کی بارش
کیااب وزیراعلی کی ریڈلائن کو”مفت سفر“کے ساتھ”مفت تشدد“بھی برداشت کرنا ہوگا؟
ڈی آئی جی آپریشنزلاہوراسکا ایساسافٹ وئیراپ ڈیٹ کریں کہ یہ دوبارہ کسی خاتون کی طرف دیکھےتک نہیں۔ pic.twitter.com/pemuT4Pv5V
— Ali Imran Abbasi (@aliimranabbasi) April 20, 2026
احمد گھمن لکھتے ہیں کہ ایک ریاستی ادارے کے عملے سے ایسے غیر انسانی رویے کی ہرگز توقع نہیں کی جا سکتی۔ عوام کی خدمت کے لیے بنائے گئے اداروں میں اگر شہری اور خصوصاً بچے اگر خود کو غیر محفوظ سمجھیں تو یہ ایک سنگین سوالیہ نشان ہے۔
لاہور میں سرکاری بس (سپیڈو بس) کے عملے کی جانب سے ایک بچی پر تشدد کی خبر نہایت افسوسناک اور قابلِ مذمت ہے۔
ایک ریاستی ادارے کے عملے سے ایسے غیر انسانی رویے کی ہرگز توقع نہیں کی جا سکتی۔ عوام کی خدمت کے لیے بنائے گئے اداروں میں اگر شہری، خصوصاً بچے، خود کو غیر محفوظ سمجھیں تو یہ… pic.twitter.com/g73GS13oY6
— Ahmad Ghuman (@ghuman_ar) April 20, 2026
ایک صارف نے لکھا کہ چوہنگ اسٹاپ واقعے کی ویڈیو وائرل ہونے پر ڈی آئی جی آپریشنز لاہور نےنوٹس لیا۔ چوہنگ پولیس نے ملزم سجاد کو ٹریس کر کے گرفتار کرلیا، قانونی کارروائی جاری۔ حکام کا کہنا ہے خواتین اور بچوں پر تشدد کرنے والوں سے سختی سے نمٹا جائے گا۔ ساتھ ہی انہوں نے وزیراعلیٰ پنجاب مریم نواز کا شکریہ بھی ادا کیا۔
شکریہ !! @MaryamNSharif
چوہنگ اسٹاپ واقعے کی ویڈیو وائرل ہونے پر ڈی آئی جی آپریشنز لاہور نےنوٹس لیا۔ چوہنگ پولیس نے ملزم سجاد کو ٹریس کر کے گرفتار کرلیا، قانونی کارروائی جاری۔ حکام کا کہنا ہے خواتین اور بچوں پر تشدد کرنے والوں سے سختی سے نمٹا جائے گا۔@azamshaam @iamabidmalik pic.twitter.com/vHVMxP6ZnH— Media Talk (@mediatalk922) April 21, 2026
پولیس کے مطابق یہ واقعہ چوہنگ جیابگا اسٹاپ کے قریب پیش آیا۔ واقعے کی ویڈیو منظر عام پر آنے کے بعد ڈی آئی جی آپریشنز لاہور نے فوری نوٹس لیتے ہوئے ملزم کی گرفتاری کا حکم دیا۔
ایس ایچ او چوہنگ انسپکٹر فہیم امداد کے مطابق کارروائی کرتے ہوئے ملزم کو گرفتار کر لیا گیا ہے جس کی شناخت سجاد کے نام سے ہوئی ہے جبکہ اس کے خلاف قانونی کارروائی جاری ہے۔
ڈی آئی جی آپریشنز لاہور کا کہنا ہے کہ خواتین اور بچوں پر تشدد ناقابل برداشت ہے، اور ایسے واقعات میں ملوث افراد کسی رعایت کے مستحق نہیں۔ انہوں نے یقین دہانی کرائی کہ ملزمان کے خلاف سخت قانونی کارروائی عمل میں لائی جائے گی۔
