معروف ہالی ووڈ اداکارہ اینی ہتھاوے نے ایک انٹرویو کے دوران اپنی گفتگو میں ’انشاء اللہ‘ کا استعمال کیا جس کے بعد یہ لمحہ سوشل میڈیا پر توجہ کا مرکز بن گیا۔
اداکارہ ایک انٹرویو میں عمر بڑھنے اور صحت مند، طویل زندگی کے بارے میں بات کر رہی تھیں۔ اس دوران انہوں نے کہا کہ ’میں ایک لمبی اور صحت مند زندگی گزارنا چاہتی ہوں انشاء اللہ، امید ہے‘۔
View this post on Instagram
یہ جملہ سامنے آنے کے بعد سوشل میڈیا پر صارفین نے حیرت اور دلچسپی کا اظہار کیا اور متعدد افراد نے اس بات پر گفتگو کی کہ اداکارہ نے یہ لفظ کس درست انداز میں استعمال کیا۔
anne hathaway saying “i hope i have a long healthy life, inshallah” is sending me oh my god
— sum🧍🏽♀️ (@sumsflowers) April 20, 2026
انٹرویو کے دوران اینی ہتھاوے نے اپنی 40 سال کی عمر کے تجربات پر بھی بات کی۔ ان کا کہنا تھا کہ یہ عمر انسان کو اپنے ماضی کے فیصلوں کا جائزہ لینے اور یہ سمجھنے کا موقع دیتی ہے کہ کون سے فیصلے جاری رکھنے چاہییں اور کون سے بدلنے چاہییں۔
یہ بھی پڑھیں: ’خدا دیکھ رہا ہے‘، نماز سے متعلق ویڈیو پر شارک ٹینک کی جج کا ہندو ٹرولرز کے خلاف سخت ردعمل
انہوں نے کہا کہ عمر بڑھنے کے ساتھ انہیں یہ احساس ہوا ہے کہ ہر بات کو زیادہ سنجیدگی سے لینے کے بجائے بعض اوقات پرسکون رہنا زیادہ بہتر ہوتا ہے۔ ان کے مطابق زندگی میں انسان یا تو عمر بڑھنے سے ڈرتا ہے یا کم عمری میں موت سے جبکہ بہتر رویہ یہ ہے کہ عمر کے ہر مرحلے کو قبول کیا جائے۔
اداکارہ نے مزید کہا کہ عمر بڑھنے کے باوجود زندگی میں غیر یقینی صورتحال برقرار رہتی ہے اور یہی بات اسے دلچسپ بناتی ہے کہ انسان کو کبھی بھی یہ معلوم نہیں ہوتا کہ اگلا لمحہ کیا لائے گا۔
