ضلعی انتظامیہ نے 26 نمبر کے مقام پر قائم بس ٹرمینلز کی سروسز دوبارہ بحال کرنے کا اعلان کر دیا ہے۔
ڈپٹی کمشنر اسلام آباد کی جانب سے جاری بیان کے مطابق، پبلک ٹرانسپورٹ کے ذریعے دیگر شہروں کا سفر کرنے والے شہری اب 26 نمبر ٹرمینلز سے اپنی روانگی یقینی بنا سکتے ہیں۔
اہم اعلان:
ضلعی انتظامیہ اسلام آباد کی جانب سے 26 نمبر کے مقام پر قائم بس ٹرمینلز کی سروسز کو دوبارہ بحال کر دیا گیا ہے، پبلک ٹرانسپورٹ میں دیگر شہروں کی جانب سے سفر کرنے والے شہری 26 نمبر ٹرمینلز سے روانہ ہو سکتے ہیں، شکریہ— DC Islamabad (@dcislamabad) April 21, 2026
انتظامیہ کا کہنا ہے کہ ٹرمینلز کی بحالی سے شہریوں کو سفری سہولیات کی فراہمی میں آسانی ہوگی اور ٹرانسپورٹ کے نظام میں بہتری آئے گی۔
حکام نے شہریوں سے اپیل کی ہے کہ وہ سفری منصوبہ بندی کے لیے تازہ ترین صورتحال کو مدنظر رکھیں اور متعلقہ ٹرمینلز سے ہی سفر کریں۔
