برطانیہ میں ایک پالتو خرگوش نے 15 سال اور 82 دن کی عمر پا کر دنیا کے معمر ترین خرگوش ہونے کا اعزاز اپنے نام کرلیا ہے، جس کا باقاعدہ اعتراف گنیز ورلڈ ریکارڈز کی جانب سے کرلیا گیا ہے۔
یہ بھی پڑھیں: ’ابھی تو میں جوان ہوں‘ دنیا کی معمر ترین مرغی، یہ بڑی بی کتنے سال کی ہیں؟
‘ہربی’ نامی یہ لائن ہیڈ نسل کا خرگوش برطانوی علاقے سرے کے رہائشی جوڑے رچرڈ اور میلیسا ڈنہم کی ملکیت ہے، جس کی عمر کی تصدیق نومبر 2025 میں کی گئی تھی اور اب اسے باضابطہ طور پر عالمی ریکارڈ یافتہ قرار دے دیا گیا ہے۔
We've crowned Herbie as the oldest living rabbit at the age of 15 years and 82 days 🐰
Herbie is living his best life in Surrey, UK, with his loving owners Richard and Melissa Dunham, who brought him home when he was just eight weeks old. pic.twitter.com/H8ZXZKMYI1
— Guinness World Records (@GWR) April 20, 2026
میلیسا ڈنہم کے مطابق انہوں نے ہربی کو محض 8 ہفتوں کی عمر میں اپنی مادہ خرگوش ‘فلوپسی’ کے ساتھی کے طور پر اپنایا تھا، اور یہ دونوں 10 سال تک ایک دوسرے کے بہترین ساتھی رہے۔
یہ بھی پڑھیں: نپولین کا زمانہ دیکھنے والے دُنیا کے معمر ترین کچھوے کی 191 ویں سالگرہ
ہربی نے خرگوشوں کی عام اوسط عمر سے دوگنا زیادہ زندگی پا کر ماہرین کو بھی حیران کردیا ہے۔ اپنی مالکہ کے بقول ہربی بچپن سے ہی بہت زندہ دل رہا ہے، اسے اپنے مالک رچرڈ کے ساتھ آنکھ مچولی کھیلنا بہت پسند تھا جہاں وہ جان بوجھ کر بھاگتا اور پھر پیچھا کیے جانے کا انتظار کرتا تھا۔
اب اپنی عمر کے اس حصے میں ہربی کے پسندیدہ مشاغل میں صوفے پر اپنے مالکان کے ساتھ وقت گزارنا اور باغ میں دھوپ سینکنا شامل ہے۔
