وائٹ ہاؤس نے تصدیق کی ہے کہ امریکی نائب صدر جے ڈی وینس آج مذاکرات کے لیے پاکستان نہیں آئیں گے۔
اس سے قبل امریکی میڈیا کی رپورٹس میں کہا گیا تھا کہ ایران کی جانب سے جواب نہ آنے کے باعث امریکی نائب صدر کا پاکستان کا دورہ مؤخر کر دیا گیا ہے۔
واضح رہے کہ امریکی صدر ڈونلڈ ٹرمپ نے پاکستان کی درخواست پر ایران جنگ بندی میں توسیع کا اعلان کردیا ہے۔
سوشل میڈیا پر اپنے بیان میں انہوں نے کہاکہ وزیراعظم پاکستان شہباز شریف اور فیلڈ مارشل عاصم منیر کی طرف سے درخواست کی گئی کہ ایران کے خلاف کارروائی اس وقت تک روکی جائے جب تک ایرانی قیادت کسی متفقہ تجویز پر نہیں پہنچ جاتی۔
صدر ٹرمپ کے مطابق انہوں نے امریکی فوج کو ہدایت کی ہے کہ وہ ایران کے خلاف ناکہ بندی جاری رکھے اور دیگر تمام پہلوؤں سے مکمل تیاری برقرار رکھے۔
انہوں نے مزید کہاکہ جنگ بندی میں بھی توسیع کی جا رہی ہے، جو اس وقت تک برقرار رہے گی جب تک ایران کی جانب سے کوئی حتمی تجویز پیش نہیں کی جاتی اور مذاکرات کسی نتیجے پر نہیں پہنچ جاتے۔
دوسری جانب وزیراعظم پاکستان شہباز شریف نے ایران جنگ بندی میں توسیع پر امریکی صدر ڈونلڈ ٹرمپ کا شکریہ ادا کیا ہے۔
سماجی رابطے کی سائٹ ایکس پر اپنے بیان میں انہوں نے لکھا کہ میں اپنی اور فیلڈ مارشل سید عاصم منیر کی طرف سے صدر ٹرمپ کا دل سے شکریہ ادا کرتا ہوں کہ انہوں نے ہماری درخواست پر احسن انداز میں جنگ بندی میں توسیع کو قبول کیا تاکہ جاری سفارتی کوششیں اپنے طریقے سے آگے بڑھ سکیں۔
On my personal behalf and on behalf of Field Marshal Syed Asim Munir, I sincerely thank President Trump for graciously accepting our request to extend the ceasefire to allow ongoing diplomatic efforts to take their course.
With the trust and confidence reposed in, Pakistan…
— Shehbaz Sharif (@CMShehbaz) April 21, 2026
انہوں نے کہاکہ دیے گئے اعتماد اور بھروسے کے تحت پاکستان بات چیت کے ذریعے تنازع کے حل کے لیے اپنی مخلصانہ کوششیں جاری رکھے گا۔
