جوڈیشل کمیشن آف پاکستان کا اہم اجلاس 28 اپریل کو طلب کر لیا گیا ہے، جس میں اسلام آباد ہائیکورٹ کے 5 ججوں کے دیگر ہائیکورٹس میں تبادلوں پر غور کیا جائے گا۔
مزید پڑھیں: ہائیکورٹس میں ججز تعیناتی کے لیے جوڈیشل کمیشن آف پاکستان کے اجلاس طلب
ذرائع کے مطابق زیر غور ججوں میں جسٹس محسن کیانی، جسٹس بابر ستار، جسٹس ارباب محمد طاہر، جسٹس ثمن رفعت امتیاز اور جسٹس خادم حسین سومرو شامل ہیں۔
تفصیلات کے مطابق جسٹس محسن کیانی کے لاہور ہائیکورٹ، جسٹس بابر ستار کے پشاور ہائیکورٹ، جبکہ جسٹس ثمن رفعت اور جسٹس خادم سومرو کے سندھ ہائیکورٹ تبادلے پر غور کیا جائے گا۔ اسی طرح جسٹس ارباب محمد طاہر کے بلوچستان ہائیکورٹ تبادلے کی تجویز بھی زیر غور آئے گی۔
مزید پڑھیں: پولیس حراست میں نوجوانوں کی ہلاکت؟ جوڈیشل کمیشن کے قیام کا مطالبہ
ذرائع کا کہنا ہے کہ اجلاس کی صدارت چیف جسٹس یحییٰ آفریدی کریں گے، جس میں اہم انتظامی اور عدالتی امور پر فیصلے متوقع ہیں۔
