پاک فوج کے افسر اور غازی ’معرکۂ حق‘ کیپٹن حذیفہ نے معرکۂ حق کے حوالے سے اپنے خیالات کا اظہار کرتے ہوئے کہا ہے کہ پاکستانی سپاہی وطن کے دفاع کے لیے کسی بھی قربانی سے دریغ نہیں کرے گا۔
مزید پڑھیں: یومِ آزادی اور ’معرکۂ حق‘ کی گرینڈ تقریب، ترکیہ و آذربائیجان کے فوجی دستوں کی شمولیت
کیپٹن حذیفہ غازی کا کہنا تھا کہ ہمارے لیے پاک فوج اپنی جان سے بھی زیادہ عزیز ہے اور ملک و قوم کے تحفظ کے لیے پہلے بھی جانیں دی گئی ہیں اور آئندہ بھی دی جاتی رہیں گی۔
انہوں نے کہا کہ معرکۂ حق میں پوری دنیا نے دیکھ لیا کہ کون جیتا اور کون ہارا، اور افواجِ پاکستان نے عددی برتری رکھنے والے دشمن کو شکست دے کر اپنی پیشہ ورانہ صلاحیتوں اور عزم کا لوہا منوایا۔
کیپٹن حذیفہ غازی: معرکۂ حق میں بہادری اور عزم کی مثال
پاک فوج کے افسر کیپٹن حذیفہ غازی نے معرکۂ حق کے حوالے سے کہا ہے کہ پاکستانی سپاہی وطن کے دفاع کے لیے کسی بھی قربانی سے دریغ نہیں کرے گا۔@iamabidmalik @AmirSaeedAbbasi pic.twitter.com/vFq3QDu1m9— Media Talk (@mediatalk922) April 23, 2026
ان کا مزید کہنا تھا کہ دشمن کو میدانِ جنگ میں بدترین ہزیمت کا سامنا کرنا پڑا، اور یہ معرکہ اس بات کا ثبوت ہے کہ فتح صرف تعداد سے نہیں بلکہ اللہ کی مدد، حوصلے اور جذبۂ ایمانی سے حاصل ہوتی ہے۔
کیپٹن حذیفہ غازی نے اس عزم کا اعادہ کیا کہ پاکستانی افواج ملک اور عوام کے دفاع کے لیے ہر وقت تیار ہیں اور کسی بھی چیلنج کا مقابلہ کرنے کی مکمل صلاحیت رکھتی ہیں۔
