بارڈر گارڈ بنگلہ دیش (بی جی بی) نے بھمرا بارڈر کے قریب ایک خاتون کو گرفتار کر لیا، جس پر بھارت اسمگلنگ کے لیے سونا لے جانے کا الزام ہے۔
بنگلہ دیشی ذرائع کے مطابق، بی جی بی کی جانب سے جمعہ کو جاری بیان میں بتایا گیا کہ ملزمہ کی شناخت 23 سالہ شیولی اختر کے نام سے ہوئی ہے۔
اس کے قبضے سے 2 سونے کی اینٹیں برآمد ہوئیں جن کا مجموعی وزن 296 گرام اور 40 ملی گرام ہے، جبکہ ان کی مالیت تقریباً 62 لاکھ 90 ہزار ٹکا بتائی گئی ہے۔
یہ بھی پڑھیں: بنگلہ دیش نیوی کی نواکھلی میں کارروائی، ڈیزل ذخیرہ کرنے والا گرفتار
بی جی بی کے مطابق خفیہ معلومات ملی تھیں کہ سونے کی ایک کھیپ علی پور کے راستے بھمرا بارڈر سے بھارت اسمگل کی جائے گی۔
اطلاع پر کارروائی کرتے ہوئے ستکھیرا بٹالین 33 کی خصوصی ٹیم نے علاقے میں پوزیشن سنبھال لی۔
مزید پڑھیں: بنگلہ دیشی بارڈر گارڈز کی اسمگلنگ کے خلاف بڑی کارروائی، 84 لاکھ ٹکا مالیت کی بھارتی ساڑیاں برآمد
خاتون کو اس وقت روکا گیا جب وہ کھلنا موڑ سے بھمرا بارڈر کی جانب بیٹری رکشہ میں سفر کر رہی تھی۔
بی جی بی کی خواتین اہلکاروں نے تلاشی کے دوران اس کے قبضے سے سونے کی اینٹیں برآمد کر لیں۔
گرفتار خاتون کو مزید قانونی کارروائی کے لیے ستکھیرا صدر پولیس اسٹیشن کے حوالے کر دیا گیا ہے، جبکہ برآمد شدہ سونا ستکھیرا ٹریژری آفس میں جمع کرایا جا رہا ہے۔
