سعودی ولی عہد اور یوکرینی صدر کے درمیان جدہ میں اہم ملاقات، باہمی تعاون بڑھانے پر اتفاق

یوکرین کے صدر ولادیمیر زیلنسکی ایک ماہ کے دوران اپنے دوسرے سرکاری دورے پر جمعہ کو سعودی عرب پہنچے، جہاں انہوں نے سعودی ولی عہد اور وزیر اعظم محمد بن سلمان سے اہم ملاقات کی۔

یہ بھی پڑھیں: یوکرین امن کانفرنس کا اعلامیہ جاری ہوگیا، کچھ ممالک کا اختلاف

سعودی پریس ایجنسی  (ایس پی اے) کے مطابق دونوں رہنماؤں کے درمیان ہونے والی اس ملاقات میں کیف اور ریاض کے تعلقات کو مزید مضبوط بنانے اور اہم شعبوں میں تعاون کو وسعت دینے کے حوالے سے تفصیلی تبادلہ خیال کیا گیا۔

I have arrived in Saudi Arabia, where I will meet with Crown Prince Mohammed bin Salman Al Saud.

Yesterday, at a meeting with European leaders, we secured financial guarantees for our resilience. Today, we are advancing our agreements with Saudi Arabia in the areas of security,… pic.twitter.com/U6Kmk4fa7d

— Volodymyr Zelenskyy / Володимир Зеленський (@ZelenskyyUa) April 24, 2026

یوکرینی صدر نے سعودی عرب آمد کے فوراً بعد سوشل میڈیا پلیٹ فارم ‘ایکس’ پر اپنے پیغام میں اس دورے کی اہمیت کو واضح کرتے ہوئے کہا کہ گزشتہ روز یورپی رہنماؤں کے ساتھ ملاقات میں مالی ضمانتیں حاصل کرنے کے بعد، اب وہ سعودی عرب کے ساتھ سیکیورٹی، توانائی اور انفراسٹرکچر کے شعبوں میں ہونے والے معاہدوں کو آگے بڑھا رہے ہیں۔

یہ بھی پڑھیں: یوکرین تنازع پر جدہ میں اجلاس اختتام پذیر، 40 ملکوں کا مشاورت جاری رکھنے پر اتفاق

اس ملاقات کو خطے کی بدلتی ہوئی صورتحال اور دونوں ممالک کے درمیان بڑھتی ہوئی تزویراتی شراکت داری کے تناظر میں انتہائی اہم قرار دیا جا رہا ہے۔