وزیر اعظم شہباز شریف نے امریکی صدر ڈونلڈ ٹرمپ کی تقریب میں فائرنگ کے واقعے پر شدید صدمے اور ٹرمپ، خاتون اوّل کے محفوظ رہنے پر اطمینان کا اظہار کیا ہے۔
وزیرِ اعظم شہباز شریف نے امریکی دارالحکومت واشنگٹن ڈی سی میں ہونے والے ایک فائرنگ کے واقعے پر گہرے دکھ اور تشویش کا اظہار کیا ہے۔ واضح رہے کہ یہ واقعہ وائٹ ہاؤس کورسپونڈنٹس ایسوسی ایشن ڈنر کے دوران پیش آیا۔
Deeply shocked by the disturbing shooting incident at the White House Correspondents’ Association Dinner in Washington, D.C., a short while ago.
Relieved to know that President Trump, the First Lady, and other attendees are safe.
My thoughts and prayers are with him, and I wish…
— Shehbaz Sharif (@CMShehbaz) April 26, 2026
وزیرِ اعظم نے سماجی رابطے کی ویب سائٹ ’ایکس‘ پر اپنے بیان میں کہا کہ وہ اس افسوسناک واقعے سے شدید صدمے میں ہیں۔ انہوں نے بتایا کہ انہیں یہ جان کر اطمینان ہوا ہے کہ امریکی صدر ڈونلڈ ٹرمپ، خاتونِ اول اور دیگر شرکاء محفوظ ہیں۔
شہباز شریف نے اپنے پیغام میں صدر ٹرمپ کے لیے نیک خواہشات کا اظہار کرتے ہوئے کہا کہ ان کی دعائیں ان کے ساتھ ہیں، اور وہ ان کی مسلسل سلامتی اور خیریت کے لیے دعاگو ہیں۔
واضح رہے کہ واقعے کی مزید تفصیلات تاحال سامنے نہیں آئیں، تاہم سکیورٹی ادارے صورتحال کا جائزہ لے رہے ہیں اور تقریب میں شریک افراد کی حفاظت کو یقینی بنایا گیا ہے۔
