پاکستان میں امریکا اور ایران کے درمیان مذاکراتی عمل کی کوریج کے لیے موجود امریکی صحافی کیٹلن ڈورن بوس نے اپنے حالیہ پیغام میں اسلام آباد سے اپنے مثبت تجربات اور وابستگی کا اظہار کیا ہے۔
سماجی رابطے کی سائٹ ایکس پر انہوں نے لکھا کہ مذاکرات کے التوا کے بعد انہیں شہر کو مزید قریب سے دیکھنے کا موقع ملا، جس دوران انہوں نے اسلام آباد کے مختلف حصوں کا دورہ کیا اور خوشگوار وقت گزارا۔
With talks off, I had finally had a mostly free day to explore Islamabad a bit more before my pending flight to DC. Made some lovely friendships along the way! Will post more later. ☺️ pic.twitter.com/vnZ2dOfyuB
— Caitlin Doornbos (@CaitlinDoornbos) April 26, 2026
ان کے مطابق واپسی کی پرواز میں وقت ہونے کے باعث انہوں نے اس موقع کو نئے تعلقات اور دوستیوں کے لیے استعمال کیا۔
کیٹلن ڈورن بوس نے کہاکہ وہ اپنے ان یادگار تجربات اور مشاہدات کی مزید تفصیلات جلد شیئر کریں گی۔
دریں اثنا انہوں نے پاکستانی روایتی پان چکھنے اور اسلام آباد میں خوشگوار دن گزارنے پر مسرت کا اظہار کیا ہے۔
I tried Pakistani “pan” today and had a total giggle fit with these girls (and fellow journalists!) Huge THANK YOU to @GFarooqi and @Fereeha for the most delightful day of Islamabad fun. Truly, you are my kindred spirits and now dear friends.💚I’m going to miss this. pic.twitter.com/5CzsqxqsEN
— Caitlin Doornbos (@CaitlinDoornbos) April 26, 2026
انہوں نے کہا کہ اس موقع پر انہیں ساتھی خواتین اور دیگر صحافیوں کے ساتھ وقت گزارنے کا موقع ملا، جس دوران خوشگوار ماحول اور ہنسی مذاق نے دن کو یادگار بنا دیا۔
انہوں نے اپنے پیغام میں کہاکہ وہ اس تجربے اور یہاں کے لوگوں کی مہمان نوازی کو یاد رکھیں گی اور انہیں اس شہر کی کمی محسوس ہوگی۔
واضح رہے کہ امریکی صحافی کیٹلن ڈورن بوس اس وقت اسلام آباد میں جاری اہم مذاکراتی سرگرمیوں کی رپورٹنگ کے سلسلے میں موجود ہیں، جہاں عالمی میڈیا کی توجہ اس خطے کی سفارتی پیش رفت پر مرکوز ہے۔
