پاکستان سپر لیگ کے 11ویں ایڈیشن کا فائنل میچ شائقین کرکٹ اسٹیڈیم میں بیٹھ کر دیکھ سکیں گے، حکومت کی اجازت کے بعد ٹکٹوں کی فروخت اور قیمتوں کا باضابطہ اعلان کر دیا گیا ہے۔
مزید پڑھیں:پاکستان سپر لیگ 11: ملتان سلطانز کی فتح، راولپنڈیز کی مسلسل 8ویں شکست
پاکستان کرکٹ بورڈ کے مطابق فائنل میچ 3 مئی کو قذافی اسٹیڈیم لاہور میں کھیلا جائے گا، جبکہ پلے آف مرحلہ 28 اپریل سے شروع ہوگا۔
ٹکٹوں کی آن لائن فروخت 27 اپریل (آج) سے شروع ہوگی جبکہ فزیکل ٹکٹس 28 اپریل سے ملک بھر میں مقررہ کوریئر مراکز پر دستیاب ہوں گے۔ اس مقصد کے لیے 18 مراکز قائم کیے گئے ہیں۔
ٹکٹوں کی قیمتیں مختلف انکلوژرز کے حساب سے مقرر کی گئی ہیں، جن میں جنرل انکلوژر کا ٹکٹ 1500 روپے، فرسٹ کلاس 2000، پریمیم 4000، وی آئی پی 6000، وی آئی پی فرسٹ اینڈ 8000، وی وی آئی پی 10 ہزار جبکہ گیلری کا ٹکٹ 12 ہزار روپے رکھا گیا ہے۔
حکام نے شائقین کو ہدایت کی ہے کہ وہ فائنل میچ کے روز شام ساڑھے 6 بجے تک اسٹیڈیم پہنچ جائیں کیونکہ میچ کا آغاز شام 7 بجے ہوگا، جبکہ اس موقع پر اختتامی تقریب بھی منعقد کی جائے گی۔
مزید پڑھیں:صاحبزادہ فرحان کی ٹی20 کرکٹ میں حکمرانی، پاکستان سپر لیگ 11 میں بیٹنگ کا جادو
واضح رہے کہ توانائی بحران کے باعث پہلے میچز بغیر شائقین کے کرانے کا فیصلہ کیا گیا تھا، تاہم اب فائنل کے لیے اسٹیڈیم کے دروازے کھول دیے گئے ہیں۔
