نائب وزیرِاعظم و وزیرِ خارجہ محمد اسحاق ڈار نے کینیڈا کی وزیرِ خارجہ انیتا آنند سے ٹیلیفونک رابطہ کیا، جس میں خطے کی تازہ صورتحال، دوطرفہ تعلقات اور امن و استحکام کے فروغ پر تبادلۂ خیال کیا گیا۔
وزارتِ خارجہ کے ترجمان کے دفتر سے جاری بیان کے مطابق دونوں رہنماؤں نے خطے میں جاری پیش رفت اور امن کے قیام کے لیے جاری سفارتی کوششوں پر گفتگو کی۔
یہ بھی پڑھیں: امریکا ایران مذاکرات میں ثالثی پاکستان کے لیے قابل فخر، دونوں ممالک کے درمیان چند نکات پر اتفاق ہونا باقی ہے، اسحاق ڈار
اس موقع پر اسحاق ڈار نے پاکستان کے مکالمے اور سفارت کاری کے ذریعے مسائل کے حل کے عزم کا اعادہ کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke with Canadian Foreign Minister Anita Anand @AnitaAnandMP.
They discussed the latest developments in the region and ongoing efforts to promote peace and stability. DPM/FM reiterated Pakistan’s… pic.twitter.com/EbbKY5rkdz
— Ministry of Foreign Affairs – Pakistan (@ForeignOfficePk) April 27, 2026
گفتگو کے دوران پاکستان اور کینیڈا کے باہمی تعلقات کا بھی جائزہ لیا گیا، جس میں تجارت، زراعت اور دیگر شعبوں میں تعاون کو مزید فروغ دینے پر زور دیا گیا۔
مزید پڑھیں: اسحاق ڈار کا کویتی وزیرخارجہ سے ٹیلی فونک رابطہ، اسلام آباد مذاکرات کے حوالے سے تبادلہ خیال
دونوں وزرائے خارجہ نے اس بات پر اتفاق کیا کہ اعلیٰ سطح کے تبادلوں سے دوطرفہ تعلقات کو مزید مضبوط بنانے میں مدد ملے گی۔
