پاکستان سپر لیگ (پی ایس ایل) میں اس بار شائقین کے لیے ایک نئی پیش رفت سامنے آئی ہے، جہاں پہلی مرتبہ پشتو زبان میں کرکٹ کمنٹری شامل کرنے کا فیصلہ کیا گیا ہے، جسے مداحوں کے لیے ایک منفرد اضافہ قرار دیا جا رہا ہے۔
اس اقدام کے تحت پشاور زلمی کے تعاون سے ایونٹ کے بقیہ میچز میں پشتو کمنٹری ایک ڈیجیٹل پلیٹ فارم پر نشر کی جائے گی، تاکہ خیبرپختونخوا اور پشتو بولنے والے شائقین کو کھیل سے مزید جوڑا جا سکے۔
ادھر ٹورنامنٹ کے اہم مقابلے بھی جاری ہیں، اور پشاور زلمی کل اسلام آباد یونائیٹڈ کے خلاف کوالیفائر میں میدان میں اترے گی۔
اس میچ میں کامیابی کی صورت میں ٹیم براہِ راست فائنل میں پہنچ جائے گی، جبکہ شکست کی صورت میں اسے ایلیمینیٹر مرحلے میں ایک اور موقع ملے گا۔
واضح رہے کہ پی ایس ایل 11 کا فائنل 3 مئی کو لاہور کے قذافی اسٹیڈیم میں کھیلا جائے گا، جہاں ایونٹ کی 2 بہترین ٹیمیں ٹائٹل کے لیے آمنے سامنے ہوں گی۔
