گورنر پنجاب سردار سلیم حیدر نے کہا ہے کہ فیلڈ مارشل سید عاصم منیر کو اللہ نے عزت دی ہے، ایسا مقام پاکستان کو اس سے قبل کبھی نہیں ملا۔
نیشنل پریس کلب اسلام آباد میں گفتگو کرتے ہوئے انہوں نے کہاکہ امریکی صدر ڈونلڈ ٹرمپ روزانہ وزیراعظم شہباز شریف اور فیلڈ مارشل عاصم منیر کی تعریف کررہے ہوتے ہیں۔
انہوں نے کہاکہ صدر مملکت آصف علی زرداری کا دورہ چین پاکستان کو طاقتور بنانے کے لیے ہے۔
انہوں نے مزید کہاکہ بھارت نے پہلگام میں جو فالس فلیگ آپریشن کیا تھا، آج دنیا بھر میں یہ حقیقت سامنے آرہی ہے۔
گورنر پنجاب نے مزید کہاکہ مخلوط حکومت بہترین طریقے سے چل رہی ہے، جب تک صدر زرداری ہیں کوئی اختلاف نہیں، حکومت اب معیشت پر توجہ دے اور مہنگائی ختم کرنے کے لیے کام کرے۔
