بنگلہ دیش بحریہ نے ٹیکناف کے علاقے میں ایک بڑی کارروائی کے دوران غیر ملکی اسلحہ، گولہ بارود اور ہزاروں نشہ آور گولیاں برآمد کر لی ہیں۔
حکام کے مطابق یہ کارروائی ضلع کاکس بازار کے ذیلی علاقے ٹیکناف میں ہنیلا یونین میں رات گئے کی گئی۔ خفیہ اطلاع پر بنگلہ دیش بحریہ کی دو خصوصی ٹیموں، جن میں اسپیشل فورسز کے اہلکار بھی شامل تھے، نے مشترکہ آپریشن کیا۔
یہ بھی پڑھیے: افغان شہری کی پراسرار موت، بنگلہ دیشی حکام تحقیقات میں مصروف
آپریشن کے دوران مشتبہ شخص ایم دلور حسین کے گھر کی تلاشی لی گئی، جو مطلوب ملزم بھٹو سیفول کے ساتھی کے طور پر جانا جاتا ہے۔ تلاشی کے دوران دو جی3 رائفلیں، ایک ایم اے1 رائفل، 8 میگزین، 190 گولیاں اور 10 خالی کارتوس برآمد کیے گئے۔
اس کے علاوہ 28 ہزار یابا گولیاں بھی برآمد ہوئیں، جنہیں مبینہ طور پر اسمگلنگ کے لیے ذخیرہ کیا گیا تھا۔
یہ بھی پڑھیے: بنگلہ دیش: کومیلا قتل کیس میں 5 ملزمان گرفتار، سائبر کرائم نیٹ ورک بھی بے نقاب
حکام کے مطابق برآمد شدہ اسلحہ، گولہ بارود اور منشیات مزید قانونی کارروائی کے لیے متعلقہ اداروں کے حوالے کر دی گئی ہیں۔
بنگلہ دیش بحریہ نے کہا ہے کہ ٹیکناف اور دیگر علاقوں میں انسداد منشیات اور انسداد جرائم کی کارروائیاں جاری رہیں گی۔ ادارے نے قومی سلامتی کے تحفظ اور نگرانی کے نظام کو مزید مضبوط بنانے کے عزم کا اعادہ بھی کیا ہے۔
