بانی پاکستان تحریک انصاف عمران خان کے خلاف ممنوعہ فنڈنگ کیس میں اہم پیشرفت سامنے آئی ہے، جس کے تحت عمران خان سمیت دیگر ملزمان کے خلاف چالان عدالت میں جمع کرا دیا گیا ہے۔
میڈیا رپورٹس کے مطابق عمران خان کو فارن فنڈنگ کیس میں مرکزی ملزم قرار دیا گیا ہے۔
مزید پڑھیں: فارن فنڈنگ کیس میں عدالت کے اہم ریمارکس، عمران خان نئی مشکل میں پھنس گئے
اب رجسٹرار آفس نے جمع کرائے گئے چالان کی اسکرونٹی کا عمل بھی شروع کر دیا ہے۔
دوسری جانب کیس کی سماعت کل کے لیے مقرر کردی گئی ہے، جو اسلام آباد کی بینکنگ کورٹ میں ہوگی۔
فارن فنڈنگ کیس کیا ہے؟
پاکستان تحریک انصاف کے مبینہ فارن فنڈنگ کیس کا معاملہ ایک بار پھر سیاسی و قانونی حلقوں میں زیر بحث آ گیا ہے، جس میں بیرون ملک سے حاصل ہونے والی رقوم کے الزامات سامنے آئے تھے۔
رپورٹس کے مطابق 2014 میں تحریک انصاف کے سابق رکن اکبر ایس بابر نے پارٹی کے اندرونی مالی معاملات میں بے ضابطگیوں کے خلاف الیکشن کمیشن میں درخواست دائر کی تھی۔
مزید پڑھیں: فارن فنڈنگ کی طرح توشہ خانہ کیس بھی ختم ہو جائے گا : عمران خان
درخواست میں مؤقف اختیار کیا گیا تھا کہ پارٹی کو ممنوعہ ذرائع سے فنڈنگ موصول ہوئی اور مبینہ طور پر دو آف شور کمپنیوں کے ذریعے لاکھوں ڈالرز ہنڈی کے ذریعے پارٹی اکاؤنٹس میں منتقل کیے گئے۔
