پاک بحریہ کی جدید ترین ہنگور کلاس آبدوز (PNS/M HANGOR) کی کمیشننگ کی تقریب چین میں منعقد ہوئی، جس میں صدر مملکت آصف علی زرداری نے بطور مہمانِ خصوصی شرکت کی۔ اس موقع پر چیف آف دی نیول اسٹاف ایڈمرل نوید اشرف بھی موجود تھے۔
مزید پڑھیں: چین میں پاک بحریہ کی دوسری ہنگور کلاس آبدوز لانچنگ تقریب کا انعقاد
صدر آصف علی زرداری نے اس پیشرفت کو پاک بحریہ کی جدت اور دفاعی صلاحیتوں میں ایک تاریخی سنگِ میل قرار دیتے ہوئے کہا کہ پاکستان اپنی خودمختاری، بحری مفادات اور اہم تجارتی راستوں کے تحفظ کی مکمل صلاحیت رکھتا ہے۔
اس موقع پر ایڈمرل نوید اشرف نے کہا کہ عالمی سطح پر اہم بحری راستوں کی بندش یا تعطل عالمی تجارت اور توانائی کی ترسیل کیلئے سنگین خطرہ ہے، جس کے پیشِ نظر جدید اور مؤثر بحری صلاحیتوں کی ضرورت پہلے سے کہیں زیادہ بڑھ گئی ہے۔
انہوں نے کہا کہ ہنگور کلاس آبدوزیں جدید ترین ایئر انڈیپنڈنٹ پروپلشن سسٹم، اسٹیلتھ ڈیزائن، جدید سونار اور طویل زیرِ آب آپریشن کی صلاحیتوں سے لیس ہیں، جو بحیرہ عرب میں سمندری گزرگاہوں کے تحفظ اور خطے میں استحکام کے لیے اہم کردار ادا کریں گی۔
Commissioning ceremony of 1st HANGOR Class Submarine, PNS/M HANGOR was held at Sanya, China. President Asif Ali Zardari graced the occasion as Chief Guest; Admiral Naveed Ashraf, NI, NI (M), T Bt, Chief of the Naval Staff, was also present at the ceremony. @PPP_Org @MediaCellPPP pic.twitter.com/f26ezvqosS
— Media Talk (@mediatalk922) April 30, 2026
نیول چیف نے ہنگور کے تاریخی ورثے کا حوالہ دیتے ہوئے کہا کہ 1971 کی پاک-بھارت جنگ میں سابقہ ہنگور وہ پہلی آبدوز تھی جس نے دوسری عالمی جنگ کے بعد ایک بڑے بحری جہاز کو کامیابی سے نشانہ بنایا تھا، اور نئی آبدوز اسی روایت کو آگے بڑھا رہی ہے۔
مزید پڑھیں: جدید ہنگور کلاس آبدوزوں کا منصوبہ، پاک بحریہ کا ایک سنگ میل
انہوں نے کہا کہ یہ پیشرفت پاکستان اور چین کے درمیان دفاعی تعاون اور دیرینہ دوستی میں ایک نئے باب کا اضافہ ہے۔
وزیراعظم پاکستان، آرمی چیف اور چیف آف ڈیفنس فورسز نے اس اہم سنگِ میل پر پاک بحریہ اور پوری قوم کو مبارکباد پیش کی ہے۔
