وفاقی وزیر اطلاعات و نشریات عطااللہ تارڑ نے کہا ہے کہ معرکہ حق میں سفارتی، بیانیہ سازی اور عسکری محاذ پر پاکستان کی کامیابی ہمیشہ یاد رکھی جائے گی۔
یہ بھی پڑھیں: معرکہ حق کی کامیابی کا ایک سال، واہگہ بارڈر پر خصوصی تقریب میں افواج پاکستان کو خراج تحسین
اسلام آباد میں ایک تقریب سے خطاب کرتے ہوئے انہوں نے کہا کہ آپریشن بنیان المرصوص اور معرکۂ حق نے پاکستان کو عالمی سطح پر ایک نئی پہچان اور وقار دیا ہے۔
وزیر اطلاعات کے مطابق پاکستان ان ممالک میں شامل ہے جو دہشتگردی کے خلاف جنگ لڑ رہے ہیں جبکہ بھارت ان ممالک میں شامل ہے جو دہشتگردی کو فروغ دیتے ہیں۔
مزید پڑھیے: معرکہ حق کا ایک سال مکمل: ’پاکستان کی خودمختاری چیلنج کرنے والوں کو ہمیشہ ناکامی کا سامنا کرنا پڑے گا‘
انہوں نے الزام عائد کیا کہ بھارت نے گزشتہ سال مئی میں ایک فالس فلیگ آپریشن کیا جس پر پاکستان نے بھرپور اور مؤثر جواب دیا اور آزاد، شفاف اور غیر جانبدار تحقیقات کا مطالبہ کیا۔
عطااللہ تارڑ نے کہا کہ بھارتی جارحیت کے جواب میں پاکستان کی بروقت اور مؤثر حکمت عملی، جس کی قیادت فیلڈ مارشل سید عاصم منیر نے کی، نے ملک کے دفاع کو یقینی بنایا۔
مزید پڑھیں: معرکہ حق کا ایک سال مکمل، ’ہم ہیں بنیان مرصوص‘ ٹیزر جاری
انہوں نے مزید کہا کہ اس کارروائی کے دوران پاکستانی افواج نے بھارت کے 8 طیارے مار گرائے۔
