لاہور کے علاقے مزنگ میں پیش آنے والے ایک دلخراش واقعے میں ایک شخص نے فائرنگ کر کے خاتون اور اس کے 2 بچوں کو قتل کرنے کے بعد خودکشی کر لی، جبکہ 2 افراد زخمی بھی ہوئے۔ واقعے کے بعد علاقے میں خوف و ہراس پھیل گیا اور پولیس نے تحقیقات شروع کر دی ہیں۔
یہ بھی پڑھیں:لاہور، سابق ایکسائز آفیسر رانا آفتاب احمد قتل، پولیس نے 4 نامعلوم افراد کے خلاف مقدمہ درج کرلیا
میڈیا رپورٹس کے مطابق لاہور کے علاقے مزنگ میں فائرنگ کے ایک واقعے میں 4 افراد جان کی بازی ہار گئے جبکہ 2 دیگر زخمی ہوئے۔
پولیس کے مطابق جاں بحق ہونے والوں میں 35 سالہ عائشہ، 14 سالہ مفرح اور 12 سالہ منیب شامل ہیں، جبکہ زخمیوں کی شناخت 8 سالہ مناہل اور 18 سالہ سمنہ کے ناموں سے ہوئی ہے۔
ابتدائی تحقیقات کے مطابق 45 سالہ شاہد نے خاتون اور اس کے 2 بچوں کو فائرنگ کر کے قتل کیا اور بعد ازاں خودکشی کر لی۔ پولیس نے واقعے کے بعد لاشوں کو پوسٹ مارٹم کے لیے اسپتال منتقل کر دیا ہے اور مزید تحقیقات جاری ہیں۔
