نائب وزیراعظم اور وزیر خارجہ سینیٹر اسحاق ڈار کی زیرِ صدارت اسلام آباد میں ایک اہم اجلاس منعقد ہوا جس کا مقصد ملک میں پیٹرول، تیل اور چکنائی کے موجودہ اسٹاک کا تفصیلی جائزہ لینا تھا۔
وزارت پیٹرولیم نے اس موقع پر کمیٹی کو بریفنگ دیتے ہوئے واضح کیا کہ آنے والی شپمنٹس کو شامل کرنے کے بعد ملک میں پیٹرولیم مصنوعات کے اتنے وافر ذخائر موجود ہیں جو جون 2026 کے تیسرے ہفتے تک پورے پاکستان میں بلا تعطل فراہمی کے لیے کافی ہیں۔
یہ بھی پڑھیں: ملک میں پیٹرولیم مصنوعات کے وافر ذخائر موجود ہیں، اوگرا کی وضاحت
اجلاس کو مزید بتایا گیا کہ سپلائی چین کے مؤثر انتظام اور نگرانی کے لیے نیشنل کوآرڈینیشن اینڈ مینجمنٹ کمیٹی روزانہ کی بنیاد پر صورتحال کا جائزہ لے رہی ہے۔
Deputy Prime Minister/Foreign Minister, Senator Mohammad Ishaq Dar @MIshaqDar50 chaired today a meeting of the Committee on Security Assessment of Oil Refineries and Oil Shortage Facilities.
The Committee reviewed the security arrangements of refineries and other oil storage… pic.twitter.com/kz6VZstqop
— Office of the Deputy Prime Minister (@DPM_PK) May 4, 2026
نائب وزیراعظم نے عالمی اور ملکی سطح پر درپیش مختلف چیلنجز کے باوجود ملک بھر میں ایندھن کی مسلسل اور قابل بھروسہ دستیابی کو یقینی بنانے پر تمام متعلقہ محکموں اور اسٹیک ہولڈرز کی کارکردگی کو سراہا۔
یہ بھی پڑھیں: آئی ایم ایف سے رعایت نہ ملی تو پیٹرول اور ڈیزل پر 55 روپے تک لیوی لگانی پڑے گی، وفاقی وزیر پیٹرولیم کا انتباہ
اس اہم اجلاس میں پیٹرولیم، آئی ٹی اور ٹیلی کمیونیکیشن کے وزرا، وزیر مملکت برائے خزانہ، معاون خصوصی طارق باجوہ، سیکریٹری پیٹرولیم، سیکریٹری داخلہ اور اوگرا کے نمائندوں سمیت دیگر اعلیٰ سرکاری حکام نے شرکت کی تاکہ توانائی کے شعبے میں سپلائی کی روانی کو برقرار رکھا جاسکے۔
