امریکی صدر ڈونلڈ ٹرمپ نے ایران کے ساتھ کے مذاکرات کے دوسرے دور کے لیے پاکستان جانے کی باتوں کو قبل از وقت قرار دیدیا۔
امریکی اخبار سے گفتگو کرتے ہوئے انہوں نے کہاکہ یہ کہنا قبل از وقت ہوگا کہ امریکا اور ایران دوبارہ براہ راست مذاکرات کریں گے۔
President Trump told me it’s “too soon” to start packing my bags for Islamabad after reports that the US and Iran are close to a peace deal.
“It’s too far. No, it’s too much,” he said.
He’s previously told me he’d go to Pakistan for a deal signing, but we’re not there yet.
— Caitlin Doornbos (@CaitlinDoornbos) May 6, 2026
ایک سوال کے جواب میں انہوں نے کہاکہ پاکستان جانے سے متعلق ابھی کچھ نہیں کہہ سکتا۔
واضح رہے کہ امریکا اور ایران کے درمیان مذاکرات میں پیشرفت ہوئی ہے، اور ایران کا کہنا ہے کہ امریکی تجاویز کا جائزہ لیا جارہا ہے، جس کے بعد اپنے مؤقف سے پاکستان کو آگاہ کیا جائےگا۔
اس سے قبل امریکی صدر ڈونلڈ ٹرمپ نے دونوں ممالک کے درمیان مذاکرات میں پیشرفت کی خوشخبری سنائی تھی۔
ساتھ ہی انہوں نے پاکستان اور دیگر ممالک کی درخواست پر آبنائے ہرمز میں ’پراجیکٹ فریڈم‘ کو عارضی طور پر معطل کرنے کا اعلان کیا۔
بعد ازاں اپنے ایک بیان میں صدر ڈونلڈ ٹرمپ ںے کہاکہ اگر ایران نے شرائط نہ مانیں تو دوبارہ مزید شدت سے حملے شروع کردیے جائیں گے۔
