وزیراعظم آزاد کشمیر راجا فیصل ممتاز راٹھور نے کہا ہے کہ پاکستان علاقائی سالمیت کے لیے ہر حد تک جا سکتا ہے۔
مزید پڑھیں: معرکہ حق کا ایک سال مکمل، مظفرآباد میں پروقار تقریب، ’پاکستان زندہ باد، پاک فوج زندہ باد‘ کے نعروں کی گونج
معرکہ حق کا ایک سال مکمل ہونے پر مظفرآباد کے نڑول اسٹیڈیم میں ہونے والی تقریب سے خطاب کرتے ہوئے انہوں نے کہاکہ گزشتہ برس بھارت نے مشکوک واقعے کو بنیاد پر پاکستان پر الزام تراشی کی اور پھر حملہ کردیا۔
فیصل راٹھور نے کہاکہ پاکستان ایک امن پسند ملک ہے، لیکن ہم اپنے دفاع پر کوئی سمجھوتہ نہیں کریں گے، پاکستان علاقائی سالمیت کے لیے ہر حد تک جا سکتا ہے۔
انہوں نے کہاکہ بھارت کی جانب سے خطے کا امن سبوتاژ کرنے کی کوشش کی گئی۔
فیصل ممتاز راٹھور نے کہاکہ پاکستان کی مسلح افواج نے بھارتی جارحیت کا منہ توڑ جواب دیا، جبکہ سفارتی محاذ پر بھی کامیابی حاصل کی۔
واضح رہے کہ معرکہ حق کا ایک سال مکمل ہونے پر مظفرآباد کے نڑول اسٹیڈیم میں تقریب کا انعقاد کیا گیا، جس میں مختلف اہم شخصیت نے شرکت کی۔
تقریب میں کلچرل شو بھی پیش کیا گیا، اور اس موقع پر معروف گلوکارہ آئمہ بیگ اور دیگر نے پرفارمنس کا مظاہرہ کیا۔
تقریب کے دوران فضا پاکستان زندہ باد اور پاک فوج زندہ باد کے نعروں سے گونج اٹھی۔
مزید پڑھیں: معرکہ حق کا ایک سال: وزارت اطلاعات کے زیراہتمام کتاب ’دی بیٹل آف ٹروتھ‘ کی رونمائی
شرکا نے اس عزم کا اعادہ کیاکہ وطن عزیز پاکستان کو درپیش کسی بھی خطرے کے سامنے سیسہ پلائی ہوئی دیوار ثابت ہوں گے۔
